"Belə oyunlar Gürcüstan millisini inkişaf etdirəcək"

"Belə oyunlar Gürcüstan millisini inkişaf etdirəcək"
XƏBƏR 18 İyun 2024 / 23:39 2202
-  A +

"Məğlubiyyət həmişə məyusedicidir. Amma düşünürəm ki, öz oyunumuzla fəxr edə bilərik. Bu, Gürcüstan futbolu üçün işıqdır. Fikrimcə, bizim də şanslarımız Türkiyənin imkanları qədər çox idi".

QOL.az UEFA-nın saytına istinadən xəbər verir ki, bu sözləri Gürcüstan millisinin baş məşqçisi Villi Sanyol Avro-2024-ün qrup mərhələsinin ilk turunda Türkiyəyə 1:3 hesabı ilə uduzduqları oyun haqqında danışarkən deyib.

Mütəxəssis belə matçların Gürcüstan millisini inkişaf etdirəcəyini söyləyib: "Biz böyük mənzərəyə baxmalıyıq. Bu Avropa çempionatında mübarizə aparmağımız Gürcüstanda son 10 ildə gənclərin futbola cəlb edilməsi üçün görülən işlərin nəticəsidir. Avro-2024 həmin investisiyanın mükafatıdır. İstedad və təcrübə - biz bunları yalnız belə oyunlarda qazana bilərik. Bu cür oyunlar nə qədər çox olsa, komandamız bir o qədər yaxşı nəticələr qazanacaq".

Qeyd edək ki, Gürcüstan millisi tarixdə ilk dəfə Avropa çempionatının əsas mərhələsində iştirak edir. 


Son xəbərlər
20.07.24  09:42

Lukaku "Napoli"də