Gürcüstan millisinin kapitanından iddialı açıqlama

Gürcüstan millisinin kapitanından iddialı açıqlama
AVRO-2024 18 İyun 2024 / 10:04 4386
-  A +

Gürcüstan millisinin kapitanı Quram Kaşiya Türkiyəyə qarşı bu gün keçiriləcək Avro-2024-ün oyunu ərəfəsində fikirlərini bildirib.

QOL.az xəbər verir ki, oyundan öncə təşkil olunan mətbuat konfransında “Slovan”ın (Bratislava) 36 yaşlı müdafiəçisi deyib:

“Ölkəmizdə biz futbolla yaşayır və nəfəs alırıq. Uğurlarımız hər kəsin dilindədir. Eşitdim ki, bir azarkeşimiz motosikletlə 4000 kilometr yol qət edib. Bütün bunlar əsl xoşbəxtlikdir. Düşünürəm ki, biz burada olmağa layiqik”. 

Kaşiya deyib ki, bütün ölkə səninlə fəxr edəndə, əlbəttə ki, xüsusi hisslər yaşayırsan: “Keçirdiyimiz o hisslər, yaşadığımız o emosiyalar indi bizə burada da kömək etməlidir”.

Millinin kapitanı iddialı danışaraq deyib: “Biz heç vaxt olmadığı kimi mübarizə aparacağıq və sübut edəcəyik ki, təsadüfən Avro-2024-də deyilik”.

Xatırladaq ki, Türkiyə - Gürcüstan matçı bu gün Bakı vaxtı ilə saat 20:00-da başlanacaq.

Daha çox


Son xəbərlər
20.07.24  09:42

Lukaku "Napoli"də