"İnanıram ki, "Sabah"ı məğlub edəcəyik"

"İnanıram ki, "Sabah"ı məğlub edəcəyik"
ÖLKƏ FUTBOLU 19 May 2024 / 13:20 2240
-  A +

“Yaxşı oyun keçirdik. Çətin matç oldu. Rəqib müdafiədə yaxşı idi. İkinci hissədə ilk qolu vurduqdan sonra hər şey yaxşılaşdı. Çox vacib qələbə qazandıq. İndi gələcəyimiz öz əlimizdədir”.

Bu sözləri "Neftçi"nin futbolçusu Kilan Lebon Misli Premyer Liqasının 35-ci turunda "Səbail"ə 3:0 hesabı ilə qalib gəldikləri oyundan sonra QOL.az saytına açıqlamasında deyib.

O, öz oyunu haqda söz açıb: “Düşünürəm, ilk hissədə çox da yaxşı oynamadım. Boş zonalar elə də çox deyil idi. İkinci hissədə isə komandam üçün daha çox şanslar yarada bildim. Buna və qol ötürməsinə görə xoşbəxtəm”.

26 yaşlı futbolçu son turda “Sabah”la qarşılaşma barəsində danışıb: “Çətin oyun olacaq. Bu gün də qələbə qazandılar. Bilirsiniz, cədvəldə bütün komandalar bir birinə yaxındırlar. Ona görə biz qələbə qazanmalıyıq. Əlbəttə ki, çətin oyun olacaq. Amma inanıram ki, qələbə qazanacayıq”.

K. Lebon yay transfer pəncərəsinə "Neftçi"dən gedib-getməyəcəyi barədə suala belə cavab verib: “Bu barədə heçnə bilmirəm. Hələ ki, klubla bu haqda müzakirə etməmişəm. Hazırda mövsümü yaxşı şəkildə başa çatdırmaq istəyirəm. Çalışacam ki, komandamın turniri ikinci yerdə başa vurmasına və Avropada oynaya bilməsinə maksimum kömək edim. Sonra isə hər şey bəlli olacaq”.


Son xəbərlər