"Heç-heçə olsaydı, yenə sevinəcəkdim" - Şahin Diniyev

"Heç-heçə olsaydı, yenə sevinəcəkdim" - Şahin Diniyev
XƏBƏR 3 Mart 2024 / 18:30 2646
-  A +

"Çox gərgin matç idi. Yaxşı komandaya qarşı oynadıq. Bizim ən böyük üstünlüyümüz əks-hücumlar idi. Sürətli oyunçularımız var. İlk hissədə istədiyimizi ala bilmədik. İkinci hissədə oyun sistemini dəyişdik. Komanda bu gün xarakter göstərdi. 8-ci oyunumuzdur ki, geridönüş edirik. Bu, məni sevindirir. Marafonun finişinə yaxınlaşırıq. Artıq 11 addım qalıb. İstəməzdim uşaqların əziyyəti hədər getsin. Hər komandanın xal itirmək ehtimalı var".

QOL.az xəbər verir ki, bu sözləri "Səbail"in baş məşqçisi Şahin Diniyev Premyer Liqanın 25-ci turunun "Qəbələ" ilə oyunundan (3:2) sonra keçirilmiş mətbuat konfransında deyib 

- İkinci hissənin əvvəlində riskli dəyişillik etdiniz. Həmin an nə düşündünüz?

- Düzgün analiz etdiniz. Gözümün önünə alıb riski etdim. Risk etməsəydim, çətin olacaqdı. Bu gün risk özünü doğrultdu. Bunun nəticəsində qollar gəldi.

- Artıq 2-ci pillədəsiniz. Bu, təzyiq yartamır?

- İkinci yerə qalxmaq asandır. Burada qalmaq isə çox çətindir. Rəqiblərin hər biri yüksək səviyyədə olan komandalardır. Bu gün çempionatda rəqabət var. "Qarabağ"ın Avropada uğurlu çıxışında bunun da rolu var. Artıq "Qarabağ" çempionatda tək ayaqla oynayıb qələbə qazanmır.

- Rəqib qırmızı vərəqə almadan əvvəl nə düşünürdünüz? Həmin an heç-heçəyə razı idiniz?

- Hər xal bizim üçün dəyərlidir. Amma mən inanırdım ki, qələbə qazanacağıq. Futbolçularımın potensialına bələdəm. Ümumən heç-heçə olsaydı, yenə sevinəcəkdim.

- Növbəti tur "Sumqayıt"la qarşılaşacaqsınız. Bu matçdan gözləntiniz nədir?

- Bu mövsüm bircə "Sumqayıt"dan xal ala bilməmişik. Bu gün onlar çox yaxşı futbol oynayır. Çətin olacaq. Həmin matçın qalibi demək olmaz ki, nəyisə həll edəcək. Qarşıda oyunlar çoxdur.

- "Qarabağ"ı udmağın resepti var?

- Var, niyə yoxdur ki? "Qarabağ"ı udmaq olar. Bir dəfə udmuşuq, bir dəfə heç-heçə etmişik. Bəli, "Qarabağ" çox yaxşı komandadır, Qurban Qurbanov ölkənin ən yaxşı məşqçisidir. Amma futbolda hər şey olur. İnam lazımdır.

- "Neftçi" - "Qarabağ" matçında kimə azarkeşlik edəcəksiniz? Nəzərə alsaq ki, "Neftçi" əsas rəqiblərimizdəndir...

- Komandaya dedim ki, heç vaxt kiminsə uduzmağını istəməyin. Mənim üçün ən vacibi öz komandamın performansıdır. Kiminsə bədbəxtliyinin üzərində xoşbəxtlik qurmaq olmaz. Təcrübəm var. Kiminsə uduzmağını istəmişəm, amma sonra başıma elə iş gəlib ki. (Sportal.az)


Son xəbərlər
23.04.24  19:30

"Liverpul"da ciddi itki

23.04.24  17:55

Mourinyo əsəbiləşdi