Ceko: "İkardi ilə aramda problem yoxdur"

Ceko: "İkardi ilə aramda problem yoxdur"
XƏBƏR 28 Dekabr 2023 / 22:37 2441
-  A +

"Fənərbaxça"nın futbolçusu Edin Ceko "Qalatasaray"ın oyunçusu Mauro İkardi haqqında danışıb.

QOL.az Türkiyə mətbuatına istinadən xəbər verir ki, 37 yaşlı hücumçu 30 yaşlı forvardla arasında heç bir problem olmadığını deyib:

"İkardini İtaliyadan tanıyıram. Aramızda bir problem varmış kimi göstərməyə çalışırlar. Ancaq bu, belə deyil. Meydanda olan meydanda qalır. Dostluğumuz meydandan kənarda qaldığı yerdən davam edir".

Qeyd edək ki, ötən həftə Superliqanın 17-ci turunda "Fənərbaxça" - "Qalatasaray" oyununda qonaqların futbolçusu Mauro İkardi zədə almışdı. Futbolçunun gözünün altında qançır yaranmışdı. "Qalatasaray" isə öz sosial şəbəkə hesablarında İkardinin fotosunu yayımlayaraq hakimlərə etiraz etmiş, futbolçusuna qarşı kobudluğun olduğunu iddia etmişdi. Ceko isə bu məsələyə etiraz edərək İkardinin qapı dirəyinə çırpılaraq zədələndiyini, "Qalatasaray"ın sadəcə penalti almaq üçün bu yola əl atdığını bildimişdi.

Əlavə edək ki, sabah Türkiyə Superkubokunda "Qalatasaray" "Fənərbaxça"nı qəbul edəcək. Sözügedən matç Səudiyyə Ərəbistanında keçiriləcək. Oyun Bakı vaxtı ilə saat 21:45-də başlayacaq.


Son xəbərlər
02.04.26  19:40

Buffon da istefa verdi

02.04.26  10:24

Qattuzo qovulacaq

topaz banner