"Demək olar, yeni komanda qururuq” - Vitali Borisov

"Demək olar, yeni komanda qururuq” - Vitali Borisov
XƏBƏR 21 Dekabr 2023 / 09:27 1048
-  A +

“Oyuna yaxşı başladıq, qol vurmaq üçün epizodlarımız da rəqibdən çox oldu. Niderland millisi 5-6 şansdan 3-nü dəyərləndirdi, bizim zərbələrimiz isə qapı dirəyindən qayıtdı". 

QOL.az xəbər verir ki, bu sözləri futzal üzrə Azərbaycan millisinin baş məşqçisi Vitali Borisov DÇ-2024-ün elit-raund mərhələsi çərçivəsində Niderlanda 0:3 hesabı ilə uduzduqları oyundan sonra deyib.

"Nəticə qane etməsə də, mübarizəyə görə komandama təşəkkür edirəm. Sona qədər vəziyyəti düzəlmək üçün əllərindən gələni etdilər, çalışdılar, amma alınmadı" - deyə o bildirib.

Mütəxəssisin sözlərinə görə, qrup mərhələsini 4 xalla başa vursalar da, bu, komandanın real gücünə uyğun nəticə deyil: "Azı 9 xal toplaya bilərdik. Oyunlar oldu ki, hesabda 2 top fərqi ilə önə keçdik, lakin üstünlüyümüzü qoruya bilmədik. Bəzi matçlara isə tam heyətlə çıxa bilmədik, kimisi zədə, kimisi də cəza üzündən komandaya kömək edə bilmədi.

Gələcək oyunlar üçün heyətə yeni oyunçular dəvət edəcəyik. Çox işləməliyik. Demək olar, yeni komanda qururuq”.


Son xəbərlər
02.04.26  19:40

Buffon da istefa verdi

topaz banner