22:12
Bir neçə gün əvvəl Rumıniya mətbuatı “Neftçi”nin baş məşqçisi Adrian Mutu ilə bağlı iddia irəli sürdü.
“Prosport” nəşri məlumat yaydı ki, 44 yaşlı mütəxəssis artıq bu qış transfer pəncərəsi zamanı Azərbaycanı tərk edərək ölkəsinin “ÇFR Kluj” komandasına baş məşqçi təyin oluna bilər. Bildirilir ki, klub qış fasiləsində italiyalı baş məşqçisi Andrea Mandorlinini istefaya göndərə bilər. Klubun sahibi Nelu Varga da Mandorlini ilə yolları ayırmaq variantının olduğunu təsdiqləyib.
Klubun idman direktoru Marius Bilasko isə Mutunun mümkün təyinatı ilə bağlı “Orang Sport”un sualını belə cavablandırıb: “Bilmirəm, hər şey ola bilər. Həqiqətən hər şey mümkündür. Son vaxtlar baş verənlərdən razı deyilik. Futbolçular və məşqçilər də narazıdır. Nəticə yoxdur”.
QOL.az xəbər verir ki, Rumıniya mətbuatına yayılan yeni xəbərə görə, klubun sahibi Nelu Varga Andrea Mandorlinidən qış fasiləsinə qədərki 4 matçın hamısında qalib gəlməyi tələb edib. Əsk halda, o, istefaya göndəriləcək.
Mutunun "ÇFR Kluj"a mümkün baş məşqçi təyinatına Andrea Mandorlini münasibət bildirib. Rumıniya mətbuatının yazdığına görə, 60 yaşlı mütəxəssis İtaliyanın "TMW" nəşrinə müsahibəsində deyib: "Mən 30 ildir baş məşqçiyəm, o (Mutu - red.) isə bu işə yeni başlayıb. Biz müqayisə oluna bilmərik. Buradakı karyeramın qarşıdakı nəticələrdən asılı olduğunu bilsəm də, bunu özümə qarşı təhlükə hesab etmirəm. Mən sakitəm".
Qeyd edək ki, Adrian Mutu hələlik haqqında yayılan bu iddialara münasibət bildirməyib. 2023-cü ilin yayında "Neftçi"yə baş məşqçi təyin edilən rumıniyalının klubu ilə müqaviləsi 2025-ci ilin iyununda başa çatır.
Lukaku "Napoli"dən gedir
Millətlər Kubokunun matç qaydalarına dəyişikliklər ediləcək
Noyer geri dönür
Ofsayd qərarları artıq "robot"lara həvalə olunur
İtaliya klubu tarixinin ən pis mövsümlərindən birini keçirir
Azərbaycan millisinin məşqindən - Şəkillər
“Qaradağ Lökbatan”ın 7 qollu qələbəsindən - Video
“Qarabağ”ın xanım azarkeşləri üçün giriş pulsuz olacaq
Belarus yığması Ermənistana qalib gəldi
Xavi "Barselona"ya qayıda bilməyəcək
"Tanımadığımız rəqiblərlə oynamaq yaxşıdır" - Ayxan Abbasov
“Tottenhem” baş məşqçisini istefaya göndərdi
CAF-in baş katibi istefa verdi
