Mahir Emreli: "Hamımızın fikrində yalnız qələbə var idi"

Mahir Emreli: "Hamımızın fikrində yalnız qələbə var idi"
AVRO-2024 17 Noyabr 2023 / 01:19 2417
-  A +

"Oyundan sonra paltardəyişmə otağında coşqulu anlar yaşanırdı. Bu qələbəyə görə çox sevinirik. Ümid edirəm ki, Belçika səfərində də qələbənin ardını gətirə biləcəyik". 

QOL.az xəbər verir ki, bu sözləri Azərbaycan millisinin hücumçusu Mahir Emreli Avro-2024-ün seçmə mərhələsində İsveç üzərində qazanılan 3:0 hesablı qələbəni şərh edərkən deyib. 

Matçdan sonra jurnalistlərin suallarını cavablandıran  M.Emreli meydana yalnız qələbə üçün çıxdıqlarını bildirib: "De Byazi oyundan əvvəl də qələbəmizə inanırdı. Hamımızın da fikrində yalnız qələbə var idi. Meydana yalnız və yalnız 3 xal üçün çıxmışdıq. Qarşılaşmadan sonra baş məşqçimiz bizi təbrik etdi və dedi ki, belə komandam olduğu üçün fəxr edirəm". 

O, milli komandamızın son zamanlar inamlı təsir bağışladığını qeyd edib: "Millimizin son oyunlarını yəqin ki, hər kəs izləyib. İstər Belçika, istər Estoniya, istər Avstriya, istərsə də bugünkü İsveç matçı - bu oyunların hamısında rəqibdən üstün futbol sərgiləmişik. Doğru yoldayıq. Ona görə də düşünürəm ki, gec-tez nəticə də gələcək. Çalışmalıyıq ki, bu tempi qoruyub saxlayaq".

Daha çox


Son xəbərlər