22:13
İngiltərənin "Liverpul" klubunun və Kolumbiya millisinin futbolçusu Luis Diasın atası Luis Manuel Dias və anası Silenis Marulanda girov götürülüb. Sonradan Silenis Marulanda tapılsa da, ata Diasın axtarışları davam etdirilir.
QOL.az xarici KİV-lərə istinadən xəbər verir ki, bu barədə Kolumbiya hökumətinin nümayəndəsi Otti Patino məlumat verib. O, Manuel Diasın Milli Azadlıq Ordusu (ELN ) tərəfindən (bəzi ölkələr onu terrorçu təşkilat kimi tanıyıb) qaçırıldığını bildirib. Patino bu faktı təsdiq etdiklərini söyləyib.
O deyib: "Əldə etdiyimiz məlumata görə, oktyabrın 28-də Luis Diasın atası Luis Manuel Dias Quajira inzibati bölgəsindəki Barrankas şəhərində ELN ilə əlaqəli bir bölmə tərəfindən qaçırılıb. Biz cənab Luis Manuel Diasın dərhal azad edilməsini tələb edirik. Biz onun təhlükəsizliyinin təmin olunmasını istəyirik və ELN-ni məsuliyyətli davranmağa çağırırıq”.
Kolumbiyanın nüfuzlu "El Tiempo" qəzetində dərc olunan xəbərdə ELN üzvlərinin ata Diası azad etməyə söz verdiyi bildirilib.
Məlumata görə, Diasın valideynləri öz maşınları ilə Barrankas şəhərinə gedərkən silahlı şəxslər tərəfindən girov götürülüb. Sonradan Diasın anası Silenis Marulanda Barrankas yaxınlığındakı bir kənddə tapılıb. Ölkə prezidenti Qustavo Petro bildirib ki, polis ata Diasın tapılması istiqamətində bütün gücünü ortaya qoyub.
Bildirilib ki, ata Diasın yerinə bilib xəbər edən şəxslərə 50 min dollara yaxın pul mükafatı veriləcək.
Hadisə ilə əlaqədar Luis Dias "Liverpul"un son turda "Nottingem Forest"ə qarşı oyununda (3:0) iştirak etməyib.
Leau zəddəsini sağaltdı
Kadidən 40-cı qol
“Zirə”nin 25-ci qələbəsi
"Qarabağ" - "Sabah" oyunundakı qollar - Video
"Zirə" Azərbaycan çempionu oldu
"Zirə" "Turan Tovuz"u belə məğlub etdi - Video
İllərdir futbolumuzda belə anşlaq olmurdu - Video
"Finala çıxdığımızı düşünmürəm" - Rəşad Sadıqov
"Şəfa" büdrədi, "Şahdağ Qusar" qalib gəldi
“Haqqımız Əliyar Ağayevin haramı olsun” - Video
Luçeskunun durumu açıqlandı
Qattuzo istefaya göndərilməsindən danışdı
