Evdə ikiqat yubiley

Evdə ikiqat yubiley
ÖLKƏ FUTBOLU 18 Sentyabr 2023 / 11:28 1213
-  A +

Misli Premyer Liqasının 6-cı turu “Araz-Naxçıvan” üçün ikiqat əlamətdar olub.

Qol.az PFL-in saytına istinadən xəbər verir ki, “Neftçi”ni “Dalğa Arena”da qəbul edən naxçıvanlılar 25-ci ev matçına çıxıb.

1:0 hesabı ilə qalib gələn Azər Bağırovun komandası komandanın Premyer Liqa tarixindəki 10-cu ev qələbəsini əldə edib. Digər 15 görüşdə 7 heç-heçəsi olan Muxtar Respublika təmsilçisi 8 dəfə uduzub.

“Araz-Naxçıvan”ın Premyer Liqada ilk oyunu və qələbəsi 2000/01 mövsümünə təsadüf edib. 2000-ci il avqustun 12-də “Dinamo-Bakılı” ilə matçda qalib müəyyənləşməyib – 0:0. 2001-ci il martın 12-də “Şahdağ”la (Quba) qarşılaşmada meydan sahiblərinə texniki qələbə verilib.


Son xəbərlər