15:39
Ramil Şeydayev "Qarabağ"ı tərk edəcəyi dəqiqləşib.
Qol.az-ın əldə etdiyi xəbərə görə, Ağdam klubu hücumçusuna yeni müqavilə təklif etsə də, o, bundan imtina edib. Beləliklə, futbolçu müqaviləsi başa çatdıqdan sonra - 2023-cü ilin iyunun 30-da Ağdam komandasından rəsmən ayrılacaq və azad agent kimi istədiyi klubla müqavilə bağlayacaq.
Son vaxtlar Şeydayevin İsrail də daxil olmaqla bir neçə xarici ölkə təmsilçisindən təklif aldığı bildirilirdi. Amma onun qeyri-adi seçimi çoxlarını təəccübləndirib. Yayılan xəbərlərə görə, Şeydayev karyerasını Tailandın "Buriram Yunayted" klubunda davam etdirəcək. Hələlik bununla bağlı nə futbolçunun özü, nə də klublar səviyyəsində rəsmi məlumat verilib. "Qarabağ" klubundan Qol.az-a yalnız o bildirilib ki, Şeydayev klubla müqaviləsi başa çatana qədər komandaya məxsus olacaq. Lakin Qol.az-a məlum olub ki, o, artıq Tailand təmsilçisi ilə 3 illik olmaqla ilkin müqavilə imzalayıb. Onun mövsümə 750 min avro qazanacağı da iddia olunur.
Şeydayevin bu seçimində məhz maddi amilin əsas rol oynadığını söyləmək üçün kifayət qədər əsaslar var. Birincisi, Tailand futbol baxımından önəmli rola malik deyil. Hazırda bu ölkənin milli komandası FİFA reytinqində 114-cü yeri tutur. "Buriram Yunayted"ə gəlincə, o, ölkəsinin ən güclü komandalarından sayılır. Klub 9 dəfə Tailand çempionu olub və növbəti mövsüm ölkəsini Asiya Çempionlar Kuboku yarışında təmsil edəcək. Amma bu turnir heç bir halda UEFA-nın nəinki Çempionlar Liqası, heç Avropa Liqası və Konfrans Liqası turnirləri ilə də müqayisə oluna bilməz. Nə oyunların yüksək səviyyəsi, nə də maddi anlamda. "Buriram Yunayted"in Ramilə bu qədər pul ödəməsi isə onun Çempionlar Liqasında daha uğurlu çıxış etmək hədəflərindən xəbər verir. Yeri gəlmişkən, hazırda klubda 6 legioner var. Tailand mətbuatının yazdığına görə, Şeydayevin klubda Konqo millisinin hücumçusu Conatan Bolingini əvəz edəcəyi gözlənilir. 28 yaşlı bu futbolçu ilə müqavilə mayın sonu başa çatır.
"Buriram Yunayted"in təmsil etdiyi Buriram şəhəri
27 yaşlı Ramilin Avropanın ortabab futbol ölkələrini deyil, Tailandı seçməsi isə onu deməyə əsas verir ki, futbolçu hazırda peşəkar karyerasından daha çox, maddiyyata önəm verib. Millimizin üzvü Rusiya, Slovakiya liqalarında da çıxış edib. İndi isə onun üçün Asiyanın ekzotik ölkəsində - Tailanda yeni bir macəra başlanacağı gözlənilir.
Bu seçimin Ramilə maddi olaraq pul qazandıracağı qətidir. Amma bunun ona karyerasına ziyan vurub-vurmayacağını isə zaman göstərəcək.
ELNUR
"Tottenhem"in kapitanı cəzalı vəziyyətə düşdü
"Fənərbaxça" klubunun prezidenti saxlanıldı
Zidan oğlunu Mərakeşdə tribunadan izlədi
"Ronaldo Portuqaliya yığmasının əvəzolunmaz oyunçusudur"
“Çelsi”nin iki futbolçusu zədəsini sağaltdı
"Marsel"in hücumçusu İtaliya klubuna doğru yol aldı
"Atletiko"dan digər ispan klubuna keçdi
"Mançester Yunayted"də itkilər var
“Fənərbaxça” heyətini ilk onunla gücləndirəcək
“Neftçi” daha bir legioner ala bilər
"Karvan-Yevlax"ın qış hazırlıq planı bəlli oldu
Bu şəhərdə bütün futbol matçları təxirə salındı
İspan klubu “Qarabağ”ın şikayəti əsasında cərimələndi
UEFA “Napoli”ni “Qarabağ”la oyuna görə cərimələdi
"Şimal" və "Bakı Sportinq"dən qələbə, Mingəçevirdə heç-heçə
"Real" Vinisiusla bağlı qərar verdi
Balotelli ərəb klubuna keçə bilər
Ronaldo adada 2 villa aldı
Ayın ən yaxşı qolunun müəllifi mükafatlandırıldı
"Kişi şahmatçılarla qarşılaşmaq daha maraqlı ola bilər"
Kenan Yıldız İngiltərə nəhənglərinin hədəfində
"Qarabağ"ın daha bir futbolçusuna Braziliyadan təklif var
Millimizin üzvləri şagirdlərlə görüşdü
2-ci liqanın bombardirləri açıqlandı
Murad Musayev Rusiyada ilin məşqçisi seçildi
Braziliya millisinin üzvünün yeni klubu məlum oldu
"Fənərbaxça" prezidentinin narkotik testi müsbət çıxdı
İngiltərə Kubokunun yarımfinalçıları
