Ukrayna FİFA və UEFA-dan bunu tələb etdi

Ukrayna FİFA və UEFA-dan bunu tələb etdi
XƏBƏR 28 Yanvar 2023 / 18:58 57760
-  A +

Ukrayna Futbol Federasiyası Rusiya Premyer Liqası klublarının Türkiyədə keçirdiyi yoxlama oyunlarına görə qəzəblənib.

Qol.az xəbər verir ki, Rusiya təmsilçiləri Türkiyədəki qış təlim-məşq toplanışı çərçivəsində Avropa komandaları ilə yoldaşlıq oyunları keçirirlər. UAF isə bu səbəbdən UEFA və FİFA-ya müraciət edib. Onlar sözügedən qurumlardan oyunların dayandırılmasını istəyiblər: 

“Türkiyədə keçirilən oyunlar qeyri-rəsmi statusa malik olsa da, biz bunu Rusiya idmanının qadağaları pozulması hesab edirik.

Ölkənin heç bir nümayəndəsinin beynəlxalq tədbirlərdə, o cümlədən idmanda iştirak etmək hüququ yoxdur” - deyə UAF-ın sözçüsü Aleksandr Qlıvinski “The Athletic”ə müsahibəsində bildirib.

Qlıvinski qeyd edib ki, UAF FİFA və UEFA-dan bu matçların dayandırılmasını tələb edib, Ukrayna klubları isə Rusiya klubları ilə, məsələn, “Partizan”la oynamış komandalarla oyun keçirməmək qərarına gəlib.

Daha əvvəl məlum olub ki, UEFA Ukraynada davam edən hadisələrlə əlaqədar Rusiya komandalarının fəaliyyətini dayandırmasını qüvvədə saxlayacaq.

Yeniliklərdən daha tez xəbər tutmaq üçün bizi Teleqramda da izləyin...


Son xəbərlər