Polşa – Azərbaycan oyununun məkanı bilindi

Polşa – Azərbaycan oyununun məkanı bilindi
XƏBƏR 28 Yanvar 2023 / 13:54 2405
-  A +

DÇ-2024-ün əsas mərhələsi çərçivəsində martın 7-də keçiriləcək Polşa – Azərbaycan oyununun məkanı müəyyənləşib. 

Qol.az Azərbaycan Futzal Federasiyasının saytına istinadən xəbər verir ki, qarşılaşma Koszalin (Koşalin) şəhərindəki idman zalında keçiriləcək. Bu matç 6-cı  qrupun sonuncu görüşü olacaq. Oyunun başlama saatı hələ açıqlanmayıb. 
Buna qədər Azərbaycan millisi Bakıda Yunanıstan yığmasını qəbul edəcək. Martın 3-də, saat 20:00-da başlayacaq oyun Bakı İdman Sarayında keçiriləcək.

Buna qədər əsas mərhələdə 2 oyun keçirmiş millimiz maksimum xalla turnir cədvəlinə başçılıq edir. Komandamız ötən ilin oktyabrında Bakıda Polşanı 4:3, səfərdə isə Yunanıstanı 7:0 hesabı ilə üstələyib. 

Polşa yığması isə 3 oyun keçirib. Yunanıstan yığmasını hər iki dueldə yenən polşalılar yeganə məğlubiyyəti millimizdən alıb. Polşa – Azərbaycan oyunu qrup qalibini müəyyənləşdirmək baxımından əhəmiyyətli hesab olunur. Həmin dueldə komandamıza heç-heçə də sərf edəcək.


Son xəbərlər
27.03.24  21:58

Keyn sağaldı