11:57
"Mənə elə gəlir ki, həyatdan zövq alan və xoşbəxt biriyəm. Bu xoşbəxtliyi yaxın insanlara çatdırmağa, çox zarafat etməyə, hər kəsə çoxlu sevinc bəxş etməyə çalışıram. Yalnız oyun zamanı daha ciddiləşirəm və əlindən gələni etməyə çalışıram, bütün gücümü ortaya qoyuram".
Qol.az xəbər verir ki, bu sözləri qış fasiləsində "Qarabağ"dan "Krasnodar"a transfer olunan Kadi Borqes Rusiya klubunun "Youtube" kanalına müsahibəsində deyib.
O, niyə futbolçu olmağa qərar verdiyi ilə bağlı sualı belə cavablandırıb: "Dörd yaşımdan topla oynayıram, ona görə də, düzünü desəm, başqa seçimim olduğunu düşünmürəm. Başqa şeylərə imkan yox idi, ilk illərdən həmişə topla oynayırdım. Bunun sayəsində məndə futbola maraq yarandı. Bu, başlanğıc nöqtəsi oldu. Mən isə heç vaxt başqa yolla getmək istəmirdim, həmişə top oynamaq istəyirdim. Harada olsam da, həmişə yaxınlıqda bir top olurdu. Mən ancaq futbolçu olmağı düşünmüşəm".
Braziliyalı yarımmüdafiəçi ailəsi haqda da danışıb: "Mənim iki qardaşım var. Mən ailənin ən kiçiyiyəm. Ortancıl qardaş oynamağa çalışdı, amma peşəkar futbol onun üçün deyildi. O, başqa sahələrə də maraq göstərib və bu gün hüquqşünasdır. Heç bir oyunu buraxmırlar. Qardaşım isə əsas tamaşaçıdır. Matçları müzakirə edirik, amma mənim ailəm futboldan o qədər də məlumatlı deyil, qardaşımdan başqa, təbii ki. Ona görə də bu barədə az danışılır. Qol vuranda, yaxşı oynayanda mənim üçün sevinirlər".
Kadi "Krasnodar"a keçidi ilə əlaqədar söyləyib: "Qarabağ"da olanda ruslarla oynamışam. Onlar klub, struktur, heyət və prezident haqqında çox yüksək danışırdılar. Onda da bu keçidə şübhəm yox idi. Mənə klub haqqında təfərrüatları deyəndə, Krasnodarın şəhər üçün böyüklüyü və əhəmiyyəti ilə bağlı hər şeyi başa düşdüm. Rusiyalı uşaqlar mənə dedilər ki, şəhər sakitdir, rahatdır, yaxşı yaşamaq üçün hər cür şərait var".
Futbolçu bədənindəki döymələrlə bağlı deyib: "Bu döymələr dinə aiddir. Mən katolikəm, İlk döyməmi atam, anam, qardaşlarım, nənəmə həsr etmişəm. Burada qeyri-adi heç nə yoxdur. 27 rəqəmi birinci qızımın ad günüdür".
K.Borqes "Krasnodar" azarkeşlərinə mesaj da göndərib: " Bütün azarkeşlərə salamlayıram. Meydanda əsl döyüşçü, əsl idmançı olacağıma əmin ola bilərsiniz. Ümid edirəm ki, bu mövsüm və ondan sonrakı mövsüm bütün gözləntilərinizi qarşılaya biləcəyəm. Dəstək üçün təşəkkür edirik! Hər oyunu səbirsizliklə gözləyirəm. Biz birlikdəyik!".
Yeniliklərdən daha tez xəbər tutmaq üçün bizi Teleqramda da izləyin...
_22.01.19.jpg)
Messidən 800-cü qol
Ronaldodan dünya rekordu
Rusiya millisi İranla heç-heçə etdi
Millimizin məşqindən - Şəkillər
"Fənərbaxça" "Zenit"lə heç-heçə etdi
Emin Mahmudov: "Rəqibin üstün və zəif cəhətlərini bilirik"
"Uğurlu seriyanı davam etdirmək istəyirik" - De Byazi
Avro-2024-ün ilk oyunu yekunlaşdı
Yığmamız Albaniyaya uduzdu
"Azərbaycana qalib gəlmək istəyirik"
Millimizlə matçı buraxacağı açıqlandı
İspaniya millisinin yeni kapitanları
"Əminəm ki, Azərbaycana qalib gələ bilərik" - Ranqnik
“Qarabağ”dan “Qalatasaray”la oyuna görə yeniliklər
Superliqada derbilərin vaxtı açıqlandı
UEFA "Barselona" ilə bağlı araşdırmaya başladı
Corcina Ronaldodan danışdı: "O, çox gözəl həyat yoldaşıdır"
Böyük Dəbilqə: Cüdoçularımızın rəqibləri bilindi
Fransada Ramazan ayındakı oyunlarda fasilə olmayacaq
Niderland millisinin heyətində dəyişiklik
"Atletiko"ya qayıtmaq istəmədiyini rəhbərliyə bildirdi
Dele Alli "Beşiktaş"ın məşqində niyə iştirak etməyib?
Busketsin gələcəyi Messidən asılıdır
Superliqa klubunda yeni baş məşqçi
"Barselona" onu izləyir
Ronaldo müsəlmanları təbrik etdi
"Çelsi"nin Obameyanq qərarı
Qaltye ulduz futbolçularla münaqişədən ehtiyat edir
Ronaldo "Mançester Yunayted"dən ayrılmasından danışdı
101 metr məsafədən qol vurdu - Video
“Qalatasaray”ın Bakıya səfər proqramı müəyyənləşdi
Millimizə qarşı oynamayacaq
DÇ-2018-in gümüş mükafatçısı karyerasını başa vurdu
"Neftçi" - "Qəbələ" oyununun saatı açıqlandı
