“Australian Open” turnirində Azərbaycana qarşı növbəti təxribat - Şəkil

“Australian Open” turnirində Azərbaycana qarşı növbəti təxribat - Şəkil
XƏBƏR 22 Yanvar 2023 / 17:03 4715
-  A +

Tennis üzrə “Australian Open” turnirində Azərbaycana qarşı növbəti təxribata yol verilib.

Qol.az xəbər verir ki, yarışda Ermənistanla yanaşı Qarabağdakı separatçı rejiminin bayrağı açılıb. Bunlar turnirdə iştirak edən bir qrup erməni tərəfindən həyata keçirilib.

Qeyd edək ki, bu təxribatçı əməl turnirdə Rusiyanı təmsil edən erməni əsilli tennisçi Karen Xaçanovun təşəbbüsü ilə Yaponiya idmançısı Yesexito Nisioka ilə bugünkü görüş zamanı törədilib. Bu, həmin yarışda Xaçanovun ilk belə qanunsuz addımı deyil. O, yanvarın 20-xə ABŞ tennisçisi Frensis Tiafonunu məğlub etdiyi görüşdən sonra qələbə sevinci adı ilə kameraya ürək sözlərini yazıb. O, obyektivin üzərinə "Artsakh stay strong" ("Artsax, möhkəm ol" ) sözlərini yazıb.

Bundan sonra Azərbaycan Tennis Federasiyası (ATF) bəyanat yayaraq Xaçanovun qeyri-idman hərəkətini pisləyib. ATF beynəlxalq federasiyaya ünvanlanmış məktubda Azərbaycana qarşı yönəlmiş təxribatla bağlı faktlar və hüquqi sənədlər təqdim olunduğunu vurğulayıb. “Azərbaycan Tennis Federasiyası olaraq bu hadisəni pisləyir və bir daha belə halın yaşanmaması üçün həmin tennisçinin cəzalanması, həmçinin gələcəkdə də bu cür hadisələrin olmaması üçün sözügedən qurumdan daha sərt tədbirlərin görülməsi tələb olunub. Ümid edirik ki, tez bir zamanda məsələ obyektiv həllini tapacaq" - deyə bəyanatda bildirilib.

 

Daha çox


Son xəbərlər
28.03.24  10:55

Qrizmann qayıtdı