Messini hədələyən boksçu ondan üzr istədi

Messini hədələyən boksçu ondan üzr istədi
DÜNYA FUTBOLU 1 Dekabr 2022 / 09:18 3225
-  A +

Bir neçə gün əvvəl Argentina millisinin kapitanı Lionel Messini hədələyən meksikalı peşəkar boksçu Saul Alvares ondan üzr istəyib.

Qol.az xəbər verir ki, bununla bağlı şəxsi Tvitter hesabında yazan mütləq dünya çempionu yersiz ifadələr işlətdiyini etiraf edib:

"Buna görə də Messi və Argentina xalqından üzr istəyirəm. Hər gün yeni bir şey öyrənirik, bu dəfə növbə məndə idi".

DÇ-2022-də Meksika ilə matçdan (2:0) sonra Messi rəqib futbolçulardan biri ilə formasını dəyişib. Bundan sonra internetdə paltardəyişmə otağından Messinin Meksika millisinin formasını yerə atması əks olunan video yayılıb. Bu vəziyyət Alvaresi qəzəbləndirib. O, Messinin Meksika millisinin forması və ölkə bayrağı ilə döşəməni sildiyini söyləyib və Messini təhdid edib. Bildirib ki, Messi onunla qarşılaşmamaq üçün Tanrıya dua etsin.

Bundan sonra Messinin keçmiş komanda yoldaşları Sesk Favreqas, Serxio Aquero və bir neçə digər futbolçu, eləcə də əfsanəvi boksçu Mayk Tayson onu müdafiə edib. Hətta Tayson sosial şəbəkədə yazıb ki, Alvarez Messiyə toxunmağa cəhd etsə, onu rinqə dəvət edəcək.

Daha çox


Son xəbərlər
28.01.23  00:05

Gerye Bakıda - Şəkil

27.01.23  20:59

PSJ onunla razılaşdı

27.01.23  18:59

"Traktor"dan qələbə