Karluş Keyruş İran millisindən istefa verdi

Karluş Keyruş İran millisindən istefa verdi
XƏBƏR 30 Noyabr 2022 / 17:45 3559
-  A +

İran millisinin baş məşqçisi Karluş Keyruş vəzifəsindən istefa verib.

Qol.az xəbər verir ki, bu barədə 69 yaşlı mütəxəssis öz İnstaqram hesabında məlumat yayıb. 

Ötən gün İran millisi DÇ-2022-nin qrup mərhələsinin 3-cü turunda ABŞ-a uduzub - 0:1. Komanda bununla da mundialda mübarizəni dayandırıb. Karluş Keyruş isə İnstaqram hesabənda paylaşım edərək millidən ayrıldığını bildirib: 

“Əziz dostlar, arzularınıza çatmaq üçün mübarizə apardığınız və əlinizdən gələni etdiyiniz müddətcə ona çatmamaq ayıb deyil. Mən sizinlə fəxr edirəm, meydanda və meydandan kənarda əla idiniz. Bu futbol ailəsinin bir hissəsi olmaq mənim üçün şərəf idi. Siz hörmətə layiqsiniz. Sizə xoşbəxtlik, uğurlar və cansağlığı arzulayıram. Təşəkkür edirəm.

Qeyd edək ki, İran millisi DÇ-2022-nin B qrupunda İngiltərəyə 2:6, ABŞ-a 0:1 hesabı ilə məğlub olub, Uels üzərində 2:0 hesablı qələbə qazanıb. Komanda qrupu 3 xalla 3-cü yerdə başa vurub və mundialla vidalaşıb.

Qeyd edək ki, Karluş bu ildən İran millisini çalışdırırdı.


Son xəbərlər
01.04.26  21:12

Keyn sıradan çıxdı

01.04.26  18:36

"Çelsi"dən antirekord

01.04.26  12:08

Qattuzo üzr istədi

topaz banner