Neymar: "Bu, debütümdən bəri ən yaxşı Braziliya millisidir"

Neymar: "Bu, debütümdən bəri ən yaxşı Braziliya millisidir"
XƏBƏR 26 Sentyabr 2022 / 13:58 2453
-  A +

Braziliya millisinin və PSJ-nin futbolçusu Neymar yığmanın hazırkı tərkibini debütündən sonra ən yaxşı komanda hesab edir. 

Qol.az xəbər verir ki, bu barədə 30 yaşlı hücumçu özü danışıb. O deyib:  

“Bu, debütümdən bəri ən yaxşı Braziliya komandasıdır. İndi milli daha güclüdür və kompaktdır. Biz qələbələrə daha yaxşı hazırlaşmışıq. Çox güclü hücum xəttimiz var. Komandanın hər bir oyunçusunun öz vəzifəsi var. Bizi isə bir məqsəd birləşdirir və bu, ən mühümüdür. Biz yeni impuls hiss edirik, komanda sanki yenidən doğulur. Bu, əladır! İndi Braziliya millisində həm təcrübə, həm də gənclik var. Biz bir-birimiz üçün səy göstərməyə hazırıq. Biz komanda şəklində oynayırıq və bu, bizə DÇ-2022-də irəliyə getmək şansı verəcək”.

Qeyd edək ki, Neymar 2010-cu ildə Braziliya millisində debüt edib. 2014-cü il dünya çempionatında komanda yarımfinalda Almaniyaya 1:7, 3-cü yer uğrunda görüşdə isə Niderlanda 0:3 hesabı ilə uduzaraq 4-cü yeri tutub. DÇ-2018-də Braziliya 1/4 final mərhələsində mübarizəni dayandırıb.

Daha çox


Son xəbərlər