02.12.22
Azərbaycan milli komandası UEFA Millətlər Liqası qrup mərhələsinin son oyununda sabah Qazaxıstanı qəbul edəcək. Matçdan öncə keçirilən mətbuat konfransında yığmamızın baş məşqçisi Canni De Byazi jurnalistlərin suallarını cavablandırıb:
- İki gün öncə qrupun ən yüksək reytinqli komandasını məğlub etdiniz. Zaman lazım olduğunu dediniz. Nə üçün lazımdır zaman, final mərhələsini görməyə, yoxsa daha güclü rəqibləri keçməyə?
- Evi tikəndə bünövrəni qurmaq lazımdır. Bu, bir gündə baş verə bilməz. Əsasən də böyük ev tikmək istəyirsənsə, çox vaxt lazımdır. İlk dörd oyunda yaxşı oynadıq. Slovakiyaya uduzanda müdafiədə diqqətsizlik etdik. Daha diqqətli olsaydıq, uduzmazdıq. Renat Dadaşovun penalti epizodu var idi, olsaydı başqa cür olardı. Qazaxıstanla ilk oyunda 15 zərbə biz vurduq, 6-nı onlar. İki qol vurdular. Qazaxıstan millisi çox güclü, vuruşqandır. Belarusu məğlub etdik. Serbiyadakı matçı da uda bilərdik. Təəssüüf ki, epizodlardan istifadə edə bilmədik. Həm o oyun, həm də Qazaxıstan görüşünə görə təəssüf hissi keçiririk. Sabah qələbə qazansaq, ancaq ikinci yeri tutacağıq. 10 xal yığacağıq, üçüncü qələbəmiz ola bilər. Keyfiyyətli komandamız var. Bəzən özümüzü itiririk, oyunu daha yaxşı idarə etməliyik. Ümumilikdə, komandamdan razıyam, düzgün yoldayıq.
- Slovakiya ilə matçın ikinci yarısında top saxlaya bilmirdiniz. Qara Qarayev və Rəhim Sadıxovun dəvət olunmaması burada öz təsirini göstərdi? İkinci hissədə qorxaq futbol oynadınız...
- Düşünməliyik ki, komandadakılarla nə edə bilərik. Komandada olanlardan razıyam. Keçmişə baxsaq, həmin oyunçularla çox oyun uduzmuşuq. İlk gündən deyirəm, millinin qapısı hamı üçün açıqdır. Bu, bağlana da bilər. Millidəsənsə, özünü düzgün aparmalısan. Bu, mənim üçün önəmlidir.
- Elvin Camalov klubda özünü yaxşı göstərir, millidə isə özünü itirir. Onu niyə milliyə dəvət edirsiz?
- Çox vuruşqan futbolçudur, gücünü meydanda qoyur. Vacib futbolçudur. Oynadı və ya oynamadı, həmişə özünü düzgün aparır. Slovakiyaya qarşı yaxşı oynadı. Ondan razıyam. "Sabah"ın da liderlərindəndir.
- Milli oyunçularına 30-35 minlik mükafat veriləcək. Bu, bir oyun üçün hesablanıb? Sizcə, bu, futbolçulara mənfi, yoxsa müsbət təsir edəcək?
- Bu barədə açıq danışmıram. Kim sizə o xəbəri deyib, danışa bilərsiz.
- Azərbaycan millisində qalmaq istəyirsiz? Qalsanız, hansı iddialarınız olacaq?
- Müqaviləm sentyabrın 30-da bitir. Oktyabrın 1-də sizə nə etmək istədiyimi deyəcəyəm.
- Demişdiz ki, milliyə çağırılmamağının səbəbini Qara Qarayevdən soruşun. Həmin məsələyə aydınlıq gətirə bilərsiz?
- Komandanın içində olan şeylər orada da qalır. Bu barədə danışmağı sevmirəm. Özü məndən soruşsa, deyərəm. Amma özü bunu sizdən də, məndən də yaxşı bilir. Heç vaxt komandada olan sirri demərəm. Düzgün deyil. Belə şeylər etsək, böyük komanda qura bilmərik. Boş-boş danışıqlardır. Özüm güzgümə baxıram, fikiləşirəm, nəyi düz etdim, nəyi səhv.
- Bu komanda sizin şəxsi komandanız deyil, ölkənindir. Yəni, birinci ağızdan sizdən eşitmək lazımdır...
- İki dəfə sizə dedim. Amma başa düşmürsüz.
- Milli heç vaxt ardıcıl üç dəfə qələbə qazanmayıb. Sabah bunu edə bilərsiniz. Bu, sizə nə dərəcədə stimul verir?
- Çox ağır oyun olacaq. Turnirin əvvəlində heç kim gözləmirdi ki, Qazaxıstan birinci yeri tutar. Amma çox xoşum gəlir. Birinci yerə layiqdilər. İki dəfə Slovakiyanı udublar. Sabah çox ağır oyun olacaq. Slovakiya ilə oyunumuzu unutmalıyıq (sportal.az).
_22.01.19.jpg)
Dani Alveşdən rekord
“Mən bütün oyunçularımı müdafiə edəcəyəm” - Regekampf
"Qarabağ"dan "Neftçi"yə 4 cavabsız qol - Video
“Neftçi” həmişə “Neftçi”dir" - Qurban Qurbanov
Misli Premyer Liqasında bombardirlər siyahısında vahid lider
"Qarabağ" "Neftçi"ni ağır məğlubiyyətə uğratdı
39 yaşlı Alves ilk dəfə start heyətdə - DÇ-2022
Serbiya - İsveçrə oyunu üçün heyətlər
Uruqvayın DÇ-2022-də son oyunu - Video
Cənubi Koreyanı 1/8 finala yüksəldən qələbə - Video
Flik istefa verməyi düşünmür
DÇ-2022-də qol vurmayan komanda qalmadı
Azərbaycan derbisində heyətlər müəyyənləşdi
"Yuventus" futbolçulara gizli şəkildə maaş ödəyib?
Cənubi Koreya - Portuqaliya: Heyətlər
AFFA bu klubları cərimələdi
Qana - Uruqvay: Heyətlər
"Şəxsən mən bu dünya çempionatından o qədər də həzz almıram"
FİFA qərarı qüvvədə saxladı
"Turan Tovuz"un legionerinin çiyni qırılıb
Almaniya prezidenti millinin uğursuzluğu haqda
Dünya çempionatları tarixində yeni rekord
"Əl-Hilal", yoxsa "Əl-Nəssr"?
Ayaz Azərbaycan pasportu alıbmı? – AFFA-dan açıqlama
Topa 18 faiz sahib olmaqla qazanılan qələbə
“Qarabağ” və “Neftçi” “Zenit”in futbolçusu ilə maraqlanır
FİFA Seneqal millisinə görə federasiyanı cərimələdi
"Ən çox inandığım komanda İspaniyadır" - De Byazi
Yapon məşqçi İspaniya üzərində qələbə haqda
Müller millidəki karyerasını başa vurub?
"Neftçi" - "Qarabağ" oyununun hakimləri açıqlandı
Hans-Diter Flik: "Bu, yalnız bizim günahımızdır"
Yaponiya İspaniyanı belə məğlub etdi - Video
Almaniyaya bəs etməyən qələbə - Video
1/8 finalın növbəti iki cütlüyü bilindi
"Heç kimdən qorxmuruq” - Zlatko Daliç
