“Qarabağ”da da 25 nömrəli forma geyinirdim, çünki…”

“Qarabağ”da da 25 nömrəli forma geyinirdim, çünki…”
XƏBƏR 23 Sentyabr 2022 / 09:00 7098
-  A +

"Qarabağ"dan "Sent-Etyen"ə transfer olunan İbrahima Vadji Fransa təmsilçisinə keçidi barədə danışıb.

Qol.az xəbər verir ki, yerli televiziyaların birinə müsahibə verən 27 yaşlı forvard deyib:

"Buraya gəldiyim andan etibarən insanlar mənə çox yaxşı münasibət göstərirlər. Komanda yoldaşlarım da mənimlə yaxşı davrandılar. Yaşamaq üçün bir yer axtarıram. Keçmiş komanda yoldaşlarım Ben Karomoko və Abdullah Zubir mənə buradakı imkanlar barədə danışdılar. 

Yayda məni transfer etmək istəyən 3-4 klub var idi. Amma Fransadan yox, başqa ölkələrdən. "Sent-Etyen" mənimlə maraqlanmağa başlayanda buraya gəlmək istədim. "Sent-Etyen"də bir çox seneqallı futbolçu oynayıb. Bu klub Seneqalda çox məşhurdur".

"Sent-Etyen"də də 25 nömrəli formanı geyinən Vadji seçimini belə şərh edib: "Mən "Qarabağ"da da eyni nömrəli formanı geyinirdim. Çünki 25 mənim qızımın doğulduğu tarixdir".

Qeyd edək ki, Vadji yay transfer pəncərəsinin son günlərində 1 milyon 600 min avroya "Sent-Etyen"ə transfer olunub.


Son xəbərlər
27.03.24  21:58

Keyn sağaldı