Çakırın köməkçiləri Azərbaycana niyə gəlir?

Çakırın köməkçiləri Azərbaycana niyə gəlir?
XƏBƏR 22 Sentyabr 2022 / 14:50 3415
-  A +

Türkiyəli keçmiş FİFA köməkçi hakimləri Bahattin Duran və Tarık Ongun Azərbaycanda seminar keçirəcəklər.

Qol.az hürriyet.com-a istinadən xəbər verir ki, bu, onların karyeralarındakı ilk hakimlik seminarı olacaq.  AFFA-nın dəvəti ilə 25-27 sentyabr tarixlərində keçiriləcək Hakim Hazırlığı Seminarında köməkçi hakimlərə dərslər veriləcək.

İyun ayında aktiv hakimlik karyerasını başa vuran Bahattin Duran və Tarık Ongun isə öz açıqlamalarında seminarla bağlı bu sözləri deyiblər: "Hakimlik karyeramız boyu meydanda və meydandan kənarda öyrəndiklərimizi və qazandığımız təcrübəni hakim dostlarımıza ötürməyimizin vaxtı gəldi".

Qeyd edək ki, Bahattin Duran və Tarık Ongun karyeraları ərzində Cüneyt Çakır ilə birlikdə 2 dəfə dünya çempionatında, 3 dəfə isə Avropa çempionatında yer alıblar. Onlar 2 ayrı dünya çempionatında 2 yarımfinal, 1 Avropa çempionatında isə 1 yarımfinal görüşlərini idarə ediblər. Bahattin Duran və Tarık Ongun 2015-ci ildə Berlindəki Çempionlar Liqası finalında ("Yuventus" - "Barselona") və 2012-ci ildə FİFA klublararası dünya çempionatının həlledici görüşündə ("Çelsi" - "Korintians") vəzifələrini icra ediblər. Bu hakimlər birlikdə karyeraları ərzində 3 qitədə, 38 ölkədə ümumilikdə 366 matça təyinat alıblar.

Bahattin Duran 20 il FİFA köməkçi hakimi kimi çalışıb. Tarık Ongun isə 2000-ci ildən başladığı hakimlik karyerasında 15 il FİFA köməkçi hakimi vəzifəsini icra edib.

Daha çox


Son xəbərlər
24.09.22  15:17

Kunde sıradan çıxdı

24.09.22  12:58

"Milan"da itki