Qurban Qurbanov: "Komanda hələ tam hazır deyil"

Qurban Qurbanov: "Komanda hələ tam hazır deyil"
XƏBƏR 14 Yanvar 2022 / 20:38 3327
-  A +

"Qarabağ"ın baş məşqçisi Qurban Qurbanov Antalyada təlim-məşq toplanışı çərçivəsində Rumıniyanın "Qaz Metan" klubu ilə qolsuz bərabərə qaldıqları  ilk yoxlama oyununu şərh edib.

O, Qol.az-a açıqlamasında matçdan razı qaldığını deyib:

"Bu oyunda istədiklərimin hamısını görə bilməzdim. Demək olar ki, həm fiziki, həm taktiki, həm də texniki cəhətdən komanda hələ tam hazır deyil. Düzü, bir az ehtiyatlanırdım. Bəzi oyunçuların hazırlıqlarında xeyli fərq var idi. Ona görə Rüstəm Əhmədzadə ikinci hissə 20-22 dəqiqə oynadı. İlk hissədə bəzi futbolçuları fikirləşirdim ki, ehtiyatlı oynasınlar. Ancaq hər bir halda ümumi oyunda çatışmayan çox şey var idi. Həm dinamika, həm sürət çox, həm də mövqe oyununda...".

O bildirib ki, bu oyun daha çox yükləmə xarakterli idi: "Çünki yanvarda ilk oyunumuz idi. Hər bir halda futbolçuların düşünmələri məni razı saldı. Düzgün etmək istəyirdilər, amma bəzi səhvlər olurdu. Demək olar ki, oyundan razı qaldım. Bəzi qərarlarda gecikmələr var idi. Həm hücum, həm də müdafiə xəttində səhvlərimiz oldu. Əlbəttə, bunları başa düşürük.  Digər oyuna kimi bir həftə vaxtımız olacaq. Həmin matça qədər komanda özünün yaxşı tərəfdən göstərməyə məcbur etməlidir və biz bunu yoluna qoyacağıq".
 

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı