Elxan Məmmədov Avropa Superliqasından danışdı

Elxan Məmmədov Avropa Superliqasından danışdı
XƏBƏR 12 İyun 2021 / 11:06 1626
-  A +

AFFA-nın icraçı vitse-prezidenti Elxan Məmmədov Avropa Superliqası layihəsi və Avro-2020-nin Bakıdakı oyunları barədə danışıb.

Qol.az xəbər verir ki, o, "insideworldfootball.com" saytına açıqlamasında deyib:

"Bu cür ideya futbol dəyərlərimizi məhv edir. UEFA gənclər, qadın və əlil futbolunun inkişafına böyük vəsait ayırır. Bazar ertəsi səhər oyanıb strategiya olmadan cəmi 4 milyard ABŞ dollarına Superliqa yarada bilmərik.

Avro-2020-nin Bakıda keçiriləcək oyunları isə tək bizim üçün deyil, bütün region üçün futbol bayramı olacaq. Düzdür, pandemiya planları bir az dəyişdi. Amma istərdik ki, Bakıdakı atmosfer qonşularımıza da müsbət təsir etsin, belə bir turnirə ev sahibliyi etdiyimiz üçün keçirdiyimiz qürur hissini paylaşsınlar. 15 aylıq pandemiyadan sonra ən vacib mesaj geri normal həyata qayıtmağımızdır. Bu, yalnız bizə deyil, digər ölkələr üçün də ümiddir. Fürsətdən istifadə etməliyik".

Qeyd edək ki, Avro-2020-nin 4 oyunu Bakıda keçiriləcək. Bunlar Uels – İsveçrə (12 iyun, 17:00), Türkiyə - Uels (16 iyun, 20:00), İsveçrə - Türkiyə (20 iyun, 20:00) matçları və 1/4 finalın 1 oyunudur (3 iyul,. 20:00).


Son xəbərlər