Azərbaycan Qarabağa qanunsuz səfər edən daha bir şərhçini blokladı

Azərbaycan Qarabağa qanunsuz səfər edən daha bir şərhçini blokladı
XƏBƏR 12 İyun 2021 / 10:14 2656
-  A +

Rusiyanın Matç TV kanalının şərhçisi Konstantin Qeniç Avro-2020-nin oyunlarına akkreditasiya ala bilməyib.

Qol.az xəbər verir ki, bu barədə o, özünün Teleqram səhifəsində bildirib. O, bununla bağlı UEFA-dan məktub aldığını yazıb.

Qitənin ali futbol qurumunun belə qərarına Qeniçin Azərbaycan tərəfindən bloklanması səbəb olub. Qeniç  Ermənistan işğalı altında olarkən Dağlıq Qarabağa qanunsuz səfər edib.

O ümid edir ki, UEFA sonradan onu da digər "Matç TV"nin şərhçisi Nobel Arustamyanın problemini həll etdiyi kimi akkreditasiya ilə təmin edəcək.

Qeyd edək ki, bir neçə gün əvvəl Matç TV-nin şərhçilərindən Nobel Arustamyan akkreditasiya üçün müraciət etdiyi UEFA-dan eyni məsələlər ilə bağlı rədd cavabı almışdı. Lakin qitənin ali futbol qurumu sonradan ona Avro-2020 üçün akkreditasiyası verib (Bakı xaric).

Daha çox


Son xəbərlər