Arustamyan Bakıya buraxılmayacaq - Yenilənib

Arustamyan Bakıya buraxılmayacaq - <b style="color:red">Yenilənib</b>
XƏBƏR 10 İyun 2021 / 11:57 3398
-  A +

Rusiyanın "Matç TV" telekanalının erməni şərhçisi Nobel Arustamyanın Avro-2020-nin oyunları üçün Bakıdakı qarşılaşmalar qadağan olması şərti ilə akkreditasiya alıb.

Qol.az xəbər verir ki, bu barədə haqqın.az məlumat yayıb. Bildirilib ki, Azərbaycanın qanunlarını dəfələrlə pozan, işğal altında olan və indi azad edilmiş ərazilərə Azərbaycanın icazəsi olmadan səfər edən Arustamyanın akkreditasiyasını əngəllənməsinə məhz Azərbaycan səy göstəib. Bakı Təşkilat Komitəsinin məqsədi rus televiziya şərhçisini Avro-2020-nin keçiriləcəyi digər 10 şəhərdə işləmək imkanından məhrum etmək olmayıb.  Bakı Təşkilat Komitəsi onun Bakıda oynanılacaq görüşlər üçün akkreditasiya olunmasını istəməyib.

Qeyd edək ki, UEFA əvvəl Arustamyana akkreditasiya verməmişdi. Bu gün Rusiya Xarici İşlər Nazirliyinin sözçüsü Mariya Zaxarova özünün "Teleqram" kanalında şərhçinin akkreditasiya aldığını açıqlayıb.


***************************

Rusiyanın "Matç TV" telekanalının erməni şərhçisi Nobel Arustamyanın Avro-2020-nin oyunları üçün akkreditasiya alıb.

Qol.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova özünün "Teleqram" kanalında yazıb: “İdman şərhçisi Nobel Arustamyan Avropa çempionatı üçün akkreditə olunmuşdur. Əla. Təşəkkür edirəm, UEFA. Çalışmağa davam edirik".

Xatırladaq ki Arustamyan işğal olunduğu vaxt Azərbaycan torpaqlarına qanunsuz səfərlər edib. O, 2020-ci il oktyabrın 5-də Arustamyan Xankəndindən fotosunu paylaşaraq Azərbaycana qarşı saxta ərazi iddiası ilə çıxış edib, milli ədavəti qızışıdıran açıqlamalar verib. O Qarabağın “ermənilərə məxsus olduğunu” iddia etməklə yanaşı, tarixi saxtakarlıqla məşğul olub. Bu səbəbdən o,  turnir üçün akkresitasiya ala bilməmişdi.

Qeyd edək ki, Avro-2020 bu il iyunun 11-dən iyulun 11-dək keçiriləcək. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.

 

Daha çox


Son xəbərlər
12.06.21  19:27

Xoş gəldin, qardaş!

12.06.21  18:49

Bakıda ilk VAR

12.06.21  15:23

"Bavariya"dan ayrılır