Superliqa ilə vidalaşdılar

Superliqa ilə vidalaşdılar
DÜNYA FUTBOLU 12 May 2021 / 09:35 2678
-  A +

Türkiyə Superliqası ilə vidalaşan, gələn mövsümdən 1-ci Liqada mübarizə aparacaq 2 klubun adına aydınlıq gəlib.

Qol.az xəbər verir ki, bunlar "Ankaragücü" və "Ərzurumspor"dur.

“Ərzurumspor” 41-ci turda səfərdə “Alanyaspor”a 3:2 hesabıyla qalib gəlib. Nəticədə xalını 40-a çatdıran bu komanda 18-ci pillədə qərarlaşıb. Sonuncu turda meydana çıxmayacağı üçün "Ərzurumspor" mövsümü ən yaxşı halda elə 18-ci pillədə bitirəcək. Bu da o deməkdir ki, komanda növbəti mövsümdən 1-ci Liqada mübarizə aparacaq.
 
“Ankaragücü” isə bu turda səfərdə “Kasımpaşa”ya uduzub. Bu komanda hazırda 38 xalla 19-ci pillədədir. Son turda “Alanyaspor”un qonağı olacaq Ankara təmsilçisi, həmin oyunda qalib gəlsə belə, 41 xalla 17-ci pillədə qərarlaşmış “Kayserispor”u qabaqlaya bilməyəcək.

Qeyd edək ki, çempionatda hazırda "Beşiktaş" 81 xalla liderdir. Eyni xalı olan "Qalatasaray" 2-cidir. "Fənərbaxça" isə 79 xalla 3-cü yerdədir.

Xatırladaq ki, daha əvvəl "Dənizlispor"un da növbəti mövsümdən 1-ci Liqada oynayacağı dəqiqləşib.


Son xəbərlər
28.03.24  10:55

Qrizmann qayıtdı