Ulduz oyunçu malyariyaya yoluxdu

Ulduz oyunçu malyariyaya yoluxdu
DÜNYA FUTBOLU 16 Aprel 2021 / 10:54 2024
-  A +

"Arsenal"ın hücumçusu Pyer-Emerik Obameyanq malyariya xəstəliyinə yoluxub.

Qol.az xəbər verir ki, bu haqda o, özünün İnstaqram səhifəsində bildirib. O, bu virusa milli komandasının oyununa görə getdiyi Vətəni Qabonda yoluxub:

"Virusu bu qədər tez aşkarlayıb müalicə edən həkimlərin sayəsində hər gün daha da yaxşılaşıram. Son bir neçə həftədə özümü həqiqətən yaxşı hiss etmirdim. Amma yaxın zamanlarda hər zamankından daha güclü olacağam".

Futbolçunun yaşıl meydana nə vaxt dönəcəyi bilinmir.

Malyariya xəstəliyi Afrikada geniş yayılıb. Ağcaqanadların yaratdığı bu xəstəliyin simptomlarının sırasına yüksək qızdırma, üşütmə, baş ağrıları, əzələ ağrıları və yorğunluğu aid etmək olar. Bundan savayı eyni zamanda ürək bulanması, qusma və ishal da müşahidə edilir.


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı