"Sonadək mübarizə aparacağıq" - Zidan

"Sonadək mübarizə aparacağıq" - Zidan
XƏBƏR 13 Aprel 2021 / 23:00 2621
-  A +

“Real”ın baş məşqçisi Zinəddin Zidan Çempionlar Liqasının 1/4 finalında “Liverpul”la cavab görüşü öncəsi fikirlərini bölüşüb.

Qol.az AS-a istinadən xəbər verir ki, 48 yaşlı mütəxəssis deyib:

“Əlbəttə ki, çətinliklərlə qarşılaşacağıq. Komanda yaxşı mübarizə aparmağa və müdafiə olunmağa davam edəcək. Daha da irəli getmək üçün maksimum səy göstərməliyik. Oyunda həm psixologiya, həm də fiziki güc rol oynayacaq. Bu mövsüm başımıza çox şey gəldi. Amma problemlərin öhdəsindən gələndən sonra komanda daha da birləşmiş olur. Fikrimizi “Liverpul”la matça cəmləmişik. Sona qədər mübarizə aparacağıq”.

Qeyd edək ki, komandalar arasında ilk oyun Madrid təmsilçisinin 3:1 hesablı qələbəsi ilə başa çatıb. Sabah keçiriləcək cavab görüşü isə Bakı vaxtı ilə 23:00-da başlayacaq.

 


Son xəbərlər
02.04.26  19:40

Buffon da istefa verdi

02.04.26  10:24

Qattuzo qovulacaq

topaz banner