“Çoxlu səhv etmişəm” – Pirlo

“Çoxlu səhv etmişəm” – Pirlo
XƏBƏR 8 Aprel 2021 / 11:58 2379
-  A +

“Yuventus”un baş məşqçisi Andrea Pirlo  2020/21 mövsümündəki fəaliyyəti haqqında danışıb.

Qol.az “Sky İtalia”ya istinadən xəbər verir ki, 41 yaşlı mütəxəssis səhvlərə yol verdiyini etiraf edib.

“Çoxlu səhv etmişəm. Amma bunları yenə edərdim. Çünki bu, mənim baş məşqçi kimi ilk mövsümümdür. Həm indi, həm də gələcək üçün təcrübələrə ehtiyacım var. Bu mövsüm nəinki mənim, bütün məşqçilər üçün qarışıq bir mövsüm oldu. Mən də daxil olmaqla hər kəs səhvlər edir. Amma bunlardan dərs alacağam və gələcəkdə təkrarlamayacağam. İndiki hədəfimiz isə A seriyasında ilk 4-lüyə düşməkdir. Çünki liderə çatmağımız çətindir. Qarşıda 10 matçımız var”.

Pirlo jurnalistin “Ən böyük peşmanlığınız A seriyasındadır, yoxsa Çempionlar Liqasında?” sualını belə cavablandırıb:  “İkisində də. “Yuventus” ilə həqiqətən də qarşınıza konkret məqsəd qoya bilmirsiniz. Çünki hamısını qazanmaq məcburiyyətindəsiniz. “Portu” ilə eyni səviyyədə olarkən Çempionlar Liqasında irəliləmək şansımız vardı. Amma düzgün oynamadıq”.

Qeyd edək ki, hazırda A seriyasında lider “İnter”dən 12 xal geri qalan  “Yuventus” 59 xalla 3-cüdür. Turin təmsilçisi Çempionlar Liqasında isə 1/8 finalda “Portu” səddini keçə bilməyib və mübarizəni dayandırıb.


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı