Təxirə salınan "Sabah" - "Səbail" matçıyla bağlı detallar bilindi

Təxirə salınan "Sabah" - "Səbail" matçıyla bağlı detallar bilindi
XƏBƏR 21 Noyabr 2020 / 11:36 1877
-  A +

Premyer Liqamızın X turu təxirəsalınmayla başlamalı olur. Belə ki, Sabah” – “Səbail” oyununun bəzi futbolçuların yenidən COVİD-19 testindən keçəcəyi üçün 21.11.2020 tarixdə baş tutmayacağı haqda keçən gecə PFL-in rəsmi saytında xəbər yerləşdirildi. O da bildirildi ki, matçın tarixi ilə bağlı əlavə məlumat adıçəkilən qurumun rəsmi saytında yerləşdiriləcək.

Sport24.az-ın əldə etdiyi məlumata görə, problem "Səbail" tərəfdə aşkarlanıb. Çünki "Sabah"da testlərin nəticələrinin hamısı neqativ çıxıb. Məlumatı "dənizçilər"in baş məşqçisi Aftandil Hacıyev də təsdiqləyib:
 
"Bizdə təkrar testə ehtiyac var. Bunu etməli olduğumuzdan, oyun təxirə salındı. Testin cavabları çıxandan sonra qərar veriləcək. Qaydaya görə, dünən test verdik. Komandamızın üzvlərinin bəzilərində şübhəli məqamlar olduğundan, yenidən testin verilməsinin zərurliliyi ortaya çıxdı. Səhər testi verdik, cavabını gözləyirik. Bunun axşamı olması gözlənilr, axşam saat 6-dan sonraya bilinər. Bu günə çatdıra bilməslər, qalacaq cavabı sabaha. Təkrar testlərin cavablarında sonra oyunun tarixiylə bağlı PFL qərar verəcək" (sport24.az).

 

Daha çox


Son xəbərlər
25.11.20  19:02

Lukaku “Real”da?

25.11.20  15:54

Holanddan dubl - Video