“Sumqayıt”ın yarımmüdafiəçisi Əfran İsmayılov Qol.az-a müsahibə verib. Müəyyən fasilədən sonra yenidən milliyə komandaya çağırılan təcrübəli futbolçu həm Qurban Qurbanovun dəvətindən, həm də dünən Topaz Premyer Liqasının 11-ci turunda “Keşlə” 1:4 hesablı məğlubiyyətdən danışıb.
- Qurban Qurbanovun UEFA Millətlər Liqasının Farer adaları və Kosovo ilə oyunlar üçün açıqladığı siyahıda sənin də adın var. Dəvət gözləyirdinmi?
- Hə, millinin siyahısına baxdım. Mənim də adım var. Təbii ki, sevindirici haldır. Hər bir futbolçu istəyər ki, milli komandada oynasın. Açığı, çağırılacağımı gözləyirdim. Elə bu cür də oldu. Komandaya xeyir vermək üçün əlimdən gələni edəcəyəm.
- Qarşıda milli komandamızı 2 çətin sınaq gözləyir. Əvvəlcə Bakıda Farer adaları, ardınca isə səfərdə Kosovo ilə qarşılaşacağıq. Həmin oyunlar haqda nə düşünürsən?
- Həqiqətən bizi 2 ağır görüş gözləyir. Hər ikisi finala bərabər oyunlardır. İlk matçımız evdə Farer adalarına qarşıdır. Həmin oyunda maksimum nəticə qazanmağa çalışacağıq ki, Kosovoya yüksək əhval-ruhiyyədə gedək. Qrupdan çıxmaq və xalqımızı sevindirmək üçün meydanda bacardığımız hər şeyin ən yaxşısını edəcəyik.
- Dünənə qayıdaq. Çempionatda “Keşlə”yə 1:4 hesabı ilə uduzdunuz. Bu məğlubiyyəti nə ilə izah edərdin?
- Futbolda belə məğlubiyyətlər olur. Amma doğrudan da gözlənilmədən böyük hesabla uduzduq. Kobud səhvlər buraxdıq. Artıq bu oyun geridə qaldı. Növbəti turda “Zirə” ilə oynayacağıq. Həmin matçı udmaq lazımdır. Milli komandanın düşərgəsinə gedirik. Ordan qayıdandan sonra yaxşı beyinlə çempinat oyunlarını düşünmək olar.
- Əvəzlənərkən Nazim Süleymanovun qərarına sərt reaksiya verdin...
- Hə, etirazımı bildirdim ki, oynamaq istəyirəm. Baş məşqçi (müsahibə Nazim Süleymanovun istefaya göndərilməsi ilə bağlı rəsmi qərar açıqlandıqdan əvvəl götürülüb – red.) isə yorğun olduğumu söylədi. Dedi ki, tam hazır deyilsən. Onu da başa düşdüm. Danışdıq, anlaşdıq. Amma halbuki, oynamaq istəyirdim.
- Baş məşqçi oyunsonrası mətbuat konfransında bu məsələyə toxunub və bildirib ki, futbolçu nə edir, özü bilər, mən belə şeyləri qəbul etmirəm. Buna münasibətini bilmək istərdim.
- Ola bilər, qəbul etməsin, başadüşüləndir. Yenə deyirəm, öz aramızda danışdıq, heç bir problem qalmadı.
- Mövsümə yaxşı başlasanız da, son turlardakı xal itkilərindən sonra 6-cı pilləyə kimi gerilədiniz. Bunun səbəbini nədə görürsən?
- Hər bir klubda eniş olur. Bu hal “Qəbələ”nin, “Keşlə”nin, “Zirə”nin də başına gəldi. Əsas odur, fasilədən maksimum yararlanaq. Məğlubiyyətlərdən nəticə çıxarmaq, tam başqa “Sumqayıt” olmaq və qarşıdakı turlara ciddi hazırlaşmaq lazımdır.
Elnur SALAHOV
Çexiyada çempion bilindi
"Hər şey öz əlimizdədir” - "Neftçi"nin futbolçusu
Renat oynadı, komandası "Beşiktaş"dan xal aldı
"Sabah"ın "Sumqayıt" üzərində qələbəsi - Video
"Bizi uşaq yerinə qoymayın" - Samir Abasov
“Neftçi”nin qələbəsinə kölgə salmaq istəmirəm, amma…”
"Zirə" Tovuzda belə qələbə qazandı - Video
"Neftçi" 3 xalı bu 3 qolla qazandı - Video
Adil Şükürov: "Kişi kimi əllərini sıxıb təbrik etdim"
"Bayer" Bundesliqanı qalibiyyətlə başa vurdu
“Neftçi”, “Zirə” və “Sabah”dan vacib qələbə
AFFA Yüksək Qızlar Liqasının qalibi müəyyənləşdi - Şəkillər
Aleks de Souza yenidən Türkiyə Superliqasında
Enrike: "Fransa seriallarına heyranam"
Avro-2024 üçün heyəti açıqladılar
"Səbail" - "Neftçi" oyunu üçün heyətlər
Tovuzda heyətlər açıqlandı
"Sabah" - "Sumqayıt" : Heyətlər
Lamiyə Vəliyeva dünya çempionu oldu
"Real" Kroosla müqaviləni uzatdı
Bu mövsümün sonunda "Arsenal"dan ayrılacaq
Şahruddinin komandasının oyunundan - Video
Fransa Liqa 1-ə yüksələn 2-ci komanda da bilindi
Messinin "İnter Mayami"dəki maaşı açıqlandı
Ernesto Valverde ilə yeni müqavilə imzalandı
Şahruddin 90+2-ci dəqiqədə əvəzləndi
"Neftçi"nin 4 futbolçusu "Səbail"ə qarşı oynamayacaq
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda