Klopp Millətlər Liqasını "ən mənasız turnir” adlandırdı

Klopp Millətlər Liqasını "ən mənasız turnir” adlandırdı
XƏBƏR 8 Oktyabr 2018 / 12:50 2674
-  A +

"Liverpul"un baş məşqçisi Yurgen Klopp UEFA Millətlər Liqasını tənqid edib.

Qol.az-ın "Daily Mail" nəşrinə istinadən yaydığı xəbərə görə, alman mütəxəssis yarışı mənasız turnir adlandırıb: "Təəssüf ki, "Mançester Siti" ilə oyundan sonra futbolçularımız dünyanın ən mənasız turniri olan Millətlər Liqasında oynamaq üçün öz yığmalarının düşərgəsinə yollanacaq”.

Klopp daha sonra kinayə ilə deyib: “Ümid edirəm ki, onlar milli komandalarında sağlam qayıdacaq və Premyer Liqa, Çempionlar Liqası kimi asan turnirlərdə oynayacaqlar.

Əgər futbolçuları formada görmək istəyirsinizsə, onlara istirahət üçün fasilə verin. Oyunçuların yığmaya getməsi elə də ciddi və böyük problem deyil. Əgər indi hansısa millinin baş məşqçisinə zəng vurub 1-2 futbolçunu düşərgəyə çağırmamağı xahiş etsəm, mənə Millətlər Liqasına görə təzyiq altında olduğunu söyləyəcək. Açığı, bilmirəm, orada nə qazanmaq olar. Amma gələn yay bu turnirdə hansısa final oyunu keçiriləcək".

Daha çox


Son xəbərlər
topaz banner