22:54
“Düşünürəm ki, çətin oyun oldu. Amma yaxşı mübarizə apardıq. Qazandığımız bir xalın dəyərli olması üçün növbəti oyunlarda qələbə qazanmalıyıq. İstədiyimiz oyunu oynaya bilmədik. Azərbaycan millisi də yaxşı mübarizə apardı. Biz öncədən rəqibimizin gücün bilərək hazırlaşmışdıq".
Qol.az-ın məlumatına görə, bu sözləri Kosova yığmasının futbolçusu Vedat Muriqi UEFA Millətlər Liqasının ilk turunda millimizlə heç-heçə etdikləri oyundan(0:0) sonra jurnalistlərə açıqlamasında deyib.
24 yaşlı hücumçu millimizin futbolçularını ayrı-ayrılıqda fərqləndirməyin çətin olduğunu bilidirib: “Meydanda bunu hiss etmək bəzən çətin olur. Meydandan kənarda bunu rahat görmək olur. Amma Kamran Ağayevlə Türkiyədə "Girəsunspor"un şərəfini qoruduğum vaxtlarda bir neçə dəfə üz-üzə gəlmişəm. Kamranı ordan tanıyırdım. Meydanda buna diqqət etmək çətindir.
Muriqi millimizlə cavab qarşılaşması haqda da danışıb: “Sonuncu oyunumuz da Azərbaycanla olacaq. Kosovadakı matçda azarkeş dəstəyimiz də olacaq. Yeni stadionumuzda oynayacağıq. Ona görə düşünürəm ki, öz meydanımızdakı matç başqa cür olacaq. Azarkeş dəstəyi ilə daha hücumameyilli oynayacağıq. Qarşıdakı Farer adaları və Malta oyunlarından maksimum nəticə ilə ayrılsaq, Azərbaycanla sonuncu matçda əlimizdən gələni edəcəyik”.
Milli çempionatların oyunları xaricdə keçirilə bilər
Məhsuldar ötürmələri ilə rekorda imza atdı
"Qarabağ" derbidə belə qalib gəldi - Video
Daha 2 güləşçimiz Avropa çempionu oldu
İngiltərə Kubokunun finalçıları bəlli oldu
Azərbaycan derbisində qalib yenə “Qarabağ” oldu
