"Sportinq" Terrini alır?

"Sportinq" Terrini alır?
XƏBƏR 5 Sentyabr 2018 / 18:12 3749
-  A +

“Qarabağ”ın Avropa Liqasının qrup mərhələsindəki rəqiblərindən “Sportinq” İngiltərə millisinin və “Çelsi”nin sabiq üzvü Con Terrini heyətinə qatmağa yaxındır.

Qol.az-ın xarici KİV-ə istinadən yaydığı xəbərə görə, 37 yaşlı müdafiəçinin transferi Lissabon klubunda bu şənbə keçiriləcək prezident seçkisinin nəticəsindən asılıdır. Əgər prezidentliyə namizəd Pedro Madeyra Rodriges qalib olacağı təqdirdə ingilis futbolçunu alacağını söz verib. Son olaraq, “Aston Villa”nın formasını geyinən Terri hazırda azad agent statusu daşıyır.

Prezident seçiləcəyi təqdirdə iddialı komanda qurmağı planlaşdıran iş adamı Yaya Ture və Klaudio Markizionu da tranfer etmək istəyirmiş. Sadəcə, sözügedən futbolçuların başqa klublara keçməsi Rodrigesin arzusunu ürəyində qoyub.

Qeyd edək ki, “Sportinq” E qrupunda “Qarabağ”la yanaşı, “Arsenal” və “Vorskla” ilə də mübarizə aparacaq.

Daha çox


Son xəbərlər
topaz banner