18:11
“Zirə”nin makedoniyalı yarımmüdafiəçisi Yani Urdinov Qol.az saytına müsahibə verib. Milli komandaların oyunları ilə bağlı yaranmış fasilədə komandasının hazırlığını dəyərləndirən futbolçu yanvarın 27-də Antalyada keçiriləcək Makedoniya – Azərbaycan görüşü ilə bağlı fikirlərini də açıqlayıb.
- Fasilədən necə yararlanırsınız?
- Fasilə komandaya əla təsir göstərdi. Çünki son həftə ərzində məşqlərimizi mükəmməl keçmişik. Komanda şəklində yumruq kimi birləşmişik. Buna görə qürur duyuram.
- Sizcə, fasilədən onra “Zirə”qara zolaqdan çıxa biləcək?
- Düzdür, komandamız son oyunlarda yaxşı nəticələr göstərmədi. Buna baxmayaraq, hazırda kollektivdə yüksək ab-hava, ruh yüksəliyi var. Ümid edirəm ki, çempionatın sonuna qədər nələrisə öz xeyirimizə dəyişə biləcəyik.
- Azərbaycan futboluna uyğunlaşa bilmisiniz?
- Əslində bura gələndən adaptasiya ilə bağlı düşünməmişəm. Sanki illərdir Azərbaycan oynayıram. Özümü çox rahat hiss edirəm.
- 2 gündən sonra Antalyada Azərbaycan və Makedoniya milli komandaları arasında yoldaşlıq oyunu olacaq. Həmin qarşılşmadan nə gözləyiriniz?
- Görək də. Hazırda Makedoniya millisi gənc futbolçulardan ibarətdir və yaxşı gedirlər. 5-6 oyundur, məğlub olmurlar. Azərbaycan millisinin də Belarusla oyununu izlədim. Yaxşı qol imkanları oldu, amma vura bilmədilər. Kollektiv oyun sərgilədilər. Düşünürəm ki, çox maraqlı görüş olacaq.
- Maraqlıdır, hansı komandaya azarkeşlik edəcəksiniz?
- Təbii ki, Makedoniayaya azarkeşlik edəcəm. Məncə, bu, normal haldır (gülür).
Elnur SALAHOV
Osimhen əməliyyat olundu
Tudoru o əvəzləyə bilər
Qrizmann bu kluba keçir
Flikin "Barselona"sı Valverdenin rekorduna yaxınlaşır
Dörd gün ərzində iki qırmızı vərəqə aldı
"Real" futbolçularının milliyə çağırılmasına etiraz etdi
"Titullar meydanda qazanılır"
"Kristal Pelas"da Şon Dayç dövrü başlaya bilər
"Son oyunundan məmnun qalmadım, rotasiya etdik"
"Tottenhem"dən ağır məğlubiyyət
Səfər qadağası "Ayaks" azarkeşlərini dayandırmadı - Video
Nəriman ilk oyunundan paylaşım etdi - Şəkillər
