“Qarabağ”ın müdafiəçisi Elvin Yunuszadə Topaz Premyer Liqanın 19-cu turunda “Zirə” üzərində 2:0 hesablı qələbədən sonra jurnalistlərin suallarını cavablandırıb.
Qol.az-ın xəbərinə görə, 35-ci dəqiqədə komandasının 2-ci qolunu vuran futbolçu əvvəlcə matçla bağlı fikirlərini açıqlayıb.
- “Zirə”yə qarşı oyunlarımız həmişə çox çətir keçir. Bu gün də belə oldu. Meydanda çox əziyyət çəkdik. Baş məşqçinin tapşırıqlarını maksimum dərəcədə yerinə yetirməyə çalışdıq. Əsas olan 3 xal idi. Hər oyun bizim üçün vacibdir. Çempionatda asan oyun yoxdur. Artıq bu matçı unutmaq lazımdır. Çünki qarşıda bizi “Neftçi” ilə çox vacib görüş gözləyir.
- “Zirə” ilə əvvəlki görüşləriniz gərgin alınsa da, bu gün daha rahat oynadınız və asan qələbə qazandınız.
- Belə deməzdim. “Zirə” yaxşı futbolçulardan qurulmuş komandadır. Kənardan hesaba baxanda asan görünə bilər. Amma biz nə əziyyət çəkdiyimizi bilirik. “Zirə” ilə oyunlara da maksimum dərəcədə hazırlaşırıq. Hər oyunda qalib gəlməyə çalışırıq.
- Təslim olan təkcə “Zirə” deyil. Artıq “Qəbələ” də silahı yerə qoyub...
- Yox. Biz belə düşünsək, özümüzə qarşı düşmənçilik olar. İndidən rahatlaşmaq olmaz. Arxayınlaşsaq, bu dərhal nəticədə özünü göstərəcək.
- Adətən standart vəziyyətlərdə irəli gedirsən. Bu gün qolu oyun epizodunda vurdun. Bu, baş məşqçinin əvvəlcədən verdiyi göstəriş idi?
- Bəzi epizodlarda gözüm Qurban müəllimdə olur. Baxıram ki, işarə versə, tez qabağa gedim. Qol epizodunda hiss etdim ki, fərqlənə bilərəm. Ona görə geri qayıtmadım. Şükürlər olsun, qol vurdum, komandama az da olsa xeyir verdim.
- Demək olarmı ki, “Qarabağ”da ən yaxşı oyununu keçirdin?
- Bu barədə mən heç nə deyə bilmərəm. Səhvlərimə baxmalıyam, yaxşı şeylərə yox. Bunu Qurban müəllim daha yaxşı bilər.
- Növbəti oyun “Neftçi”yə qarşıdır. Sabiq komandanla görüşdə də meydanda olmaq istəyirsən?
- Oyunla canla-başla hazırlaşacam. Məşqçimiz şans versə, meydana çıxıb, sonadək mübarizə apararam.
Fatih Terim istefa verdi
Ramilin komandası da Superliqa şansını itirdi
“Sabah” Abşerondan 52 uşaq seçdi
"İmişli" autsayderlə bacarmadı - Video
Vüsalın komandası Superliqaya vəsiqə qazana bilmədi
"Şamaxı"nı lider edən vacib qələbə - Video
Məşhur sabiq futbolçu "Spartak"ın baş məşqçisi oldu
"Bizə çempionluq lazımdır" - Ramiz Məmmədov
"Sevilya"nın əfsanəsi mövsümün sonunda gedir
AFFA "Turan Tovuz"un şikayətini təmin etmədi
"Arsenal"ın yeni forması - Şəkillər
"Beşiktaş"da yeni müqavilə
Alleqri İtaliya qəzetinin direktoruna hücum etdi
Almaniya millisinin Avro-2024 üçün ilkin heyəti açıqlandı
Toni Kroos: “Bavariya”nın qəzəbinə haqq qazandırmaq olar”
İstanbul derbisinin hakimləri müəyyənləşdi
Hakimi təhqir edən futbolçuya ağır cəza verildi
Paytaxt klubunun Lunyovla maraqlandığı iddia edilir
Arda Güler futbolda yeni trend yaratdı
"Zirə" ilə oyunda “Neftçi” məğlubiyyətini unutdurmalıyıq"
1-ci liqanın mərkəzi oyunu FİFA referisinə tapşırıldı
AFFA İntizam Komitəsindən cəza və cərimələr
"Real"ın gənc futbolçusu zədələndi
Alleqri rekorda imza atdı
"Atletiko" ÇL-ə vəsiqə qazandı
İtaliya kubokunun qalibi bilindi