“Neftçi”nin qapıçısı Rəşad Əzizli ölkə kubokunun 1/4 final mərhələsinin ilk oyununda “Zirə”yə 0:1 hesablı məğlubiyyətdən sonra jurnalistlərin suallarını cavablandırıb. Qol.az-ın məlumatına görə, o, əvvəlcə qarşılaşma ilə bağlı fikirlərini açıqlayıb.
- Oyunla bağlı nə deyə bilərsən?
- Üstünlük bizdə idi. Son dəqiqələrdə buraxdığımız qoldan sonra toparlanmaq çətin oldu. Amma qarşıda cavab oyunu var. İnanıram ki, turu “Neftçi” keçəcək.
- Səncə, buraxdığın qolda nə dərəcədə səhvin var idi?
- Deməzdim ki, orda səhv etdim.
- Topu çıxarda bilərdin?
- İstənilən topu çıxarmaq olur. Sadəcə, həmin epizodda topun dirəyə dəyib qapıya daxil olması bəxtsizlik idi. Çətin vəziyyət idi. Epizoda yenidən baxacam.
- Bəlkə zərbəni gözləmirdin...
- Yox, rəqibin zərbə vuracağını gözləyirdim. Bəlkə də top trayektoriyasını dəyişdiyi üçün məni çaşdırdı. Oyundan sonra analiz edəcəm. Səhv varsa, özüm üçün nəticə çıxaracam.
- Cavab oyununda “Neftçi” daha çox hücum etməli olacaq.
- Öz oyunumuzu oynayacağıq. İlk görüşdə dəyərləndirə bilmədiyimiz epizodlardan ikinci oyunda yararlanmağa çalışacağıq. Öz oyunumuzu oynasaq, asanlıq növbəti mərhələyə keçə bilərik.
- Müdafiə xəttində ləng hərəkət edən futbolçular meydana çıxmışdı. Bu, sənə problem yaratmadı?
- Ağır futbolçular olsalar da, təcrübələri çoxdur. Rəşadın təcrübəsi göz qabağındadır. Kirill zədəli olduğu üçün Sadiqov həmin mövqedə çıxış etdi.
- Tərlan Əhmədov mətbuata müsahibəsində 3-cü qapıçı almaq istədiklərini bildirib. Bu barədə nə düşünürsən?
- Baş məşqçinin qərarına hörmətlə yanaşıram. Qapıçı lazımdırsa, buyursunlar. İstənilən qapıçı ilə rəqabətə hazıram. Bu, məni narahat etmir.
"Neftçi" "Kəpəz"ə qarşı
Deyvis "Real"la danışıq aparır
110 illik fasilədən sonra kuboku qazandılar
"Arsenal" Jorjinyo ilə müqaviləni uzatdı
"İmişli" - "Qaradağ-Lökbatan" matçında insident
"Turan Tovuz" azarkeşlərə müraciət etdi
"Şamaxı"dan qələbə, liderdən xal itkisi
"Bavariya" son 12 ildə ilk dəfə kuboksuz qaldı
2-ci liqanın oyunları eyni gündə, eyni saatda
Qvardiola, Klopp, Arteta...
"Uğurlarımı ailəm və müəllimimə borcluyam"
Xorvatiya millisinin üzvü Avro-2024-ü buraxacaq
"Mançester Yunayted"dən onun üçün 70 milyon avro
Premyer Liqada mövsümün ən yaxşısı adına namizədlər
Benzia gələcək karyerası ilə bağlı hansı qərarı verib?
"Tottenhem" 7 futbolçusunu satır
Messinin salfeti hərraca çıxarıldı
"Bavariya"nın direktorundan sərt sözlər
"Kapitanımız Florentino Peresdir"
"Trabzonspor"un 4 cavabsız qolu - Video