“Kəpəz”in müdafiəçisi Şəhriyar Əliyev Qol.az saytına müsahibə verib. Topaz Premyer Liqanın XIII turunun “Qəbələ” ilə oyununa (1:6) komandasını kapitan kimi çıxaran futbolçu həm qarşılaşma ilə bağlı fikirlərini açıqlayıb, həm də matçın gedişində azarkeşlərlə arasında baş verən insidentdən danışıb.
- Əvvəlcə böyükhesablı məğlubiyyətlə bağlı fikirlərini bilmək istərdim...
- Oyuna yaxşı hazırlaşmışdıq. Qələbə qazanmaq istəyirdik. “Qəbələ” ilə ilk oyunda da həvəsli idik. Bəhrəsini görmüşdük. Amma ilk dəqiqədə qol buraxmaq bii ruhdan saldı. İkinci qoldan sonra isə tamam “sındıq”. Toparlana bilmədik. Onlar da təcrübəli futbolçulardır, hər məqamdan maksimum istifadə etdilər və qələbə qazandılar.
- Özün də qeyd elədin ki, 2-ci qoldan sonra komanda “sındı”. Həmin qol isə Davud Kəriminin kobud səhvindən sonra vuruldu...
- Elə oyunlar olur ki, Davud nə qədər top çıxarır. Amma onlar yadda qalmır. Elə oyun da olur ki, 90 dəqiqə super oynayırsan, sonda bir səhv edirsən, hamı ondan danışır. Buraxdığımız qollara baxanda hər şey görünür. Görün, topları harada itirirdik? Ortada, hücum xəttində topları itirirdik, onlar da əks-hücumda yaxalayıb vururdular. Qol buraxanda hamı deyir qapıçının səhvidir. Hər şeyi Davudun üstünə atmaq olmaz. Bu məğlubiyyətdə hamının səhvi var.
- Oyunun gedişində yerli azarkeşlərlə problem yaşadın. Nə baş vermişdi?
- Birinci hissənin hardasa 20-ci dəqiqəsi gedirdi. Komandanı kapitan kimi meydana mən çıxarmışdım. Elə söyüşlər söyürdülər ki, adama təsir edirdi. Tək məni yox, bütün komandanı təhqir edirdilər. Fan-klub üzvləri deyildi. Çünki fan-klublar hər zaman bizə dəstək olurlar. Kənardan 2-3 nəfər idi, bilmirəm kimlərdir, nə məzhəbə qulluq edirlər. Dayanmadan söyürdülər. Birinci hissədə dözə bilmədim, dedim ki, nə olub, niyə söyürsünüz. Olanımız budur da. Cavan uşaqlardır. Bu vaxt Davud məni sakitləşdirdi, sağ olsun. Oyun başa çatdıqdan sonra hamı paltardəyişmə otağına gedirdi. Gördüm ki, həmin şəxslər yenə başladılar söyüş söyməyə. 1:6 uduzmuşduq, əsəbdən partlayırdım. Dözə bilmədim, mən də bunlara qarşılıq verdim ki, nə olub, mən də uduzmaq istəmirəm. 3 ildir bu komandanın şərəfini qoruyuram. 3 il ərzində nə qədər zədəm olub. “Qəbələ” ilə oyunda hər iki tərəfim yara idi. Yeri gəlsə, deyərdim ki, hesab 1:6-dır, heç sürüşmə fəndi eləmərəm. Söyüş söymələri adama pis təsir edir. Tənqid eləsinlər, mən də deyim, düz deyirsiniz.
- Yunis Hüseynov bildirmiş ki, səninlə bu barədə söhbət edəcək. Oyundan sonra nə danışdınız?
- Yunis müəllimlə söhbətimiz oldu. Ola bilsin, “Sumqayıt”la oyunöncəsi azarkeşlərlə görüşək.
- Səncə, yeni baş məşqçinin gəlişi “Kəpəz”də nəyi dəyişəcək?
- Bilirsiniz, Yunis Hüseynov yeni gəlib. 3 günə futbolçuya hər şeyi başa salmaq olmur. Məşq keçmək üçün vaxtımız az olur. Özü də dedi ki, hər şey yaxşı olacaq. İnanıram ki, onun gəlişinin komandaya xeyiri olacaq.
- Ümumiyyətlə, baş məşqçi kimi Şahin Diniyevlə Yunis Hüseynovun arasında nə kimi fərqlər var?
- Yunis Hüseynov hücum futbolu oynamağımızı istəyir. Şahin müəllim isə müdafiədəetibarlı oynayıb, əks-hücumlara çıxmağımızı tələb edirdi. Həmin taktika ilə çox qollar vurmuşduq. Yunis müəllim isə qabaqda oynamağı, sona qədər mübarizə aparmağı tələb edir.
- Növbəti oyununuz kubokda “Binə”yə qarşı olacaq. Həmin qarşılaşma haqda nə düşünürsən?
- Dünəndən məşqlərə başlamışıq. Maksimum nəticə qazanmalıyıq. Çempionatda şansımız bir o qədər də çox deyil. Ona görə də kubokdakı şansımızı dəyərləndirməyə çalışacağıq.
Elnur SALAHOV
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi
Bir dövrün sonu
Azərbaycanın U-17 və U-19 millilərinin rəqibləri bəlli oldu
“Liverpul”un futbolçusu məşhur aktyorun qızı ilə sevgilidir
Bakıda Avropa çempionatı keçiriləcək
Rəqibi təpiklə vuran futbolçunun cəzası açıqlandı
AFFA öz futbolçularını təhqir edən baş məşqçini cəzalandırdı
"Şamaxı"nın vacib səfər qələbəsi - Video
“Turan Tovuz”un futbolçusu 4 oyunluq cəzalandırıldı
"Qarabağ" - "Neftçi" matçının biletləri satışda
“Barselona” Pedrini satacaq
"Yaxşı ki, Belarusla qarşılaşdıq" - Millinin baş məşqçisi
Avroliqada həftənin ən yaxşısı adına 2 namizəd
Birinci liqanı tərk edəcək komanda bilindi
Ardıcıl 7-ci dəfə çempion oldular
Messiyə mükafat verildi
Volkan Demireldən istefa qərarı
Andrixin gözəl qolu, "Bayer"in qələbəsi - Video
“Olimpiakos”dan sürpriz, “Fiorentina”dan çətin qələbə
"Bayer" "Roma"ya qalib gəldi, Marseldə heç-heçə
London derbisini “Çelsi” qazandı
"İnter Mayami" Messinin daha bir dostu ilə danışıqlar aparır
Azərbaycanın U-17 millisi Belarusa uduzdu
“Sabah”ın Tərtərdəki seçimləri yekunlaşdı - Video
"Şamaxı"nı 2-ci pilləyə yüksəldən qələbə - Video
Avro-2024-ü buraxacaq
"Çelsi" Konteyə təklif göndərdi
"Qaradağ Lökbatan" "Araz-Saatlı"ya aman vermədi - Video
Tonalinin cəzası iki ay uzadıldı
Liderdən qələbə, "Şamaxı" 2-ci pilləyə yüksəldi
Ranqnik "Bavariya"dan niyə imtina edib?
"Real"ın kapitanı Messi ilə komanda yoldaşı olacaq