19:12
“Qarabağ”ın müdafiəçisi Maksim Medvedev Çempionlar Liqasının qrup mərhələsinin 5-ci turunda “Çelsi”yə 0:4 hesabı ilə uduzduqları oyundan sonra jurnalistlərin suallarını cavablandırıb. Qol.az-ın məlumatına görə, təcrübəli futbolçu əvvəlcə qarşılaşma haqda fikirlərini bildirib.
- Oyundan əvvəl nə düşünürdünüz, sonluq necə oldu?
- İlk oyundakı 0:6 hesablı məğlubiyyətdən sonra bu komandanı çox yaxşı tanıdıq. Bilirdik ki, necə oynayırlar. Əslində oyuna yaxşı başlamışdıq. Hətta qol imkanımız da oldu. Top dirəyə dəydi. Amma qırmızı vərəqə və penalti 2 həftəlik hazırlığımızı alt-üst elədi.
- İngilis dilini bilirsən. Hakimlə danışdığını gördük. Maraqlıdır, sənə nə deyirdi? Üzündə mehribanlıq, insanlıq var idi? Yoxsa bizə qarşı qərəzli olduğu açıq-aşkar hiss olunurdu?
- Birinci dəfə idi ki, bu cür emosiyası olmayan hakim görürdüm. Bütün komanda ilə üstünə getdik ki, penalti verirsənsə, heç olmasa qırmızı vərəqə göstərmə. Oyunun gedişində penalti olub-olmadığını görə bilmədik. Ona görə çox müzakirə apara bilmirik. Amma istənilən halda birinci epizodda penalti verib, kapitanı meydandan qovması bizə çox pis təsir elədi. Bundan sonra psixoloji cəhətdən sınmamağa, baş məşqçinin bütün tapşırıqlarını yerinə yetirməyə çalışdıq. Ancaq “Çelsi”yə qarşı 10 nəfərlə oynamaq çox çətindir.
- Sənə elə gəlmirmi ki, “Qarabağ” ilk 15 dəqiqədəki oyunu ilə hakimi qorxutdu?
- Bilmirəm, insanın ağlına çox fikirlər gəlir. Onları səsləndirmək istəmirik. Ardıcıl 3 oyunda qırmızı vərəqə alıb qrandlara qarşı oynamaq çox çətindir. Hakimdə birinci dəqiqədən “Qarabağ”a qarşı antipatiya yaranmışdı. İstəyirdi ki, oyunumuzu “sındırsın”.
- Hakimin qalmaqallı qərarından sonra hamı Qurban Qurbanova yaxınlaşdı. Həmin vaxt Qurban müəllim komandaya nə dedi?
- Bəlkə də kənardan elə göründü ki, komandanı meydandan çıxarmaq istəyir. Amma belə deyildi. Sadəcə, matçın əvvəlində qırmızı vərəqə görməyə hazır deyildik. Komandanı tez bir vaxtda buna motivasiya eləmək və mövqeləri düzəltmək lazım idi. 30 saniyə vaxt var idi. Bu müddət ərzində komandanı yeni taktiki sxemə uyğunlaşdırmaq lazım idi. Tez-bazar bizi başa saldı ki, kim harda duracaq, necə oynayacaq. Paltardəyişmə otağında isə tam başqa bir sistemə keçdik.
- Formanı kiminlə dəyişdin?
- Heç kimlə. Oyunda elə bir hiss keçirtdim ki, sanki məni futboldan küsdürdülər. Hakim bəzi epizodlarda özünü elə aparırdı ki, futbolçularımız oynamaq istəmirdilər. Hirslənirdilər ki, 3 oyunda dalbadal qırmızı vərəqə görmək olar?
Hakimi "Real"a keçir?
Depay 1 ay oynamayacaq
Matçları qanunsuz izləyənlər cərimələnəcək
Uğursuz çıxış etdi, baş məşqçidən xəbərdarlıq aldı
"Qızıl top" namizədləri: Yamal, Keyn...
PSJ-nin oyunu təxirə salınır?
"Keçmişdəki uğursuzluqları düşünməyə ehtiyac yoxdur"
"Borussiya" idman direktorunu göndərdi
İngiltərədə Superkubok matçının yeri dəyişdirildi
Flik ayın məşqçisi seçildi
Ben Uayt İngiltərə millisində
Osimhen əməliyyat olundu
"Marsel" klubu prezidenti ilə yollarını ayırdı
Qvardiola qələbəni qızı ilə qeyd etdi - Video
Tudoru o əvəzləyə bilər
Siyasət Əsgərov Türkiyə klubunun düşərgəsində
"Sevilya" baş məşqçisi ilə sağollaşdı
Ronaldo belə bərpa olunur - Şəkillər
"Barselona"ya keçmək istəyir
2-ci liqada 19-cu tur 3 oyunla başladı
FİFA Türkiyə klubunun daha 6 xalını sildi
