19:12
“Qəbələ”nin müdafiəçisi Voislav Stankoviç Topaz Premyer Liqasının XII turunda “Neftçi”yə 3:2 hesabı ilə qalib gəldikləri oyundan sonra Qol.az-ın əməkdaşının suallarını cavablandırıb. Qarşılaşma ilə bağlı danışan serbiyalı futbolçu görüşün baş hakimi Əliyar Ağayevin mübahisəli qərarlarına da toxunub.
- Səfərdə “Neftçi”yə 3:2 hesabı ilə qalib gəldiniz. Oyunla bağlı nə deyə bilərsən?
- “Neftçi” çox yaxşı komandadır. Bilirdik ki, bizi çətin oyun gözləyir. Meydanda əsl mübarizə getdi. Gərgin və maraqlı oyun alındı. Rəqibin 2 qoluna biz 3 qolla cavab verdik. Yaxşı ki, sonda qələbə qazandıq.
- İlk 45 dəqiqə heç-heçə başa çatsa da, ikinci hissənin əvvəlində “Neftçi” yenidən hesabda önə çıxdı. Artıq çoxları bu qoldan sonra “Qəbələ”nin qalib gəlməsinin çətin olacağını düşünürdü. Siz isə 2 top vurub 3 xalı qazandınız...
- Qapımız qarşısındakı standart vəziyyətlər zamanı çox bərbad oynadıq. Nəticədə 2 top buraxdıq. Bu mənada çatışmazlıqlarımız var. Məşq zamanı bunun üzərində işləməliyik. “Neftçi”nin 2-ci qolundan sonra hücuma atıldıq. Çünki uduzurduq. Əlimizə düşən imkanları qola çevirib, sonda sevinən tərəf olduq. Bütün komanda yoldaşlarımı təbrik edirəm.
- Görüşün baş hakimi Əliyar Ağayevin idarəçiliyindən razı qaldın? Komanda yoldaşlarım, xüsusilə də Baqali Dabo “Neftçi”nin lehinə verilən bir çox qərarlarda hakimə kəskin etirazını bildirirdi...
- Məncə, hakim oyunu normal idarə etdi. İnanmıram ki, “Qəbələ”, ya “Neftçi” hakimlikdən narazı qalsın. Etiraza gəlincə, oyun vaxtı gərginlik çox olur. Nəticədə özündən asılı olmadan bəzi epizodlarda emosiyalarını cilovlaya bilmirsən.
- Hakimin ən kobud səhvi isə “Qəbələ”nin birinci qolundan öncə künc zərbəsi təyin etməsi oldu. Məhz həmin səhvdən sonra Dabo başla topu qapıdan keçirdi...
- İnanın ki, mən həmin epizodda topun kimdən meydanı tərk etdiyini görmədim. Hərdən xırda hakim səhvləri olur. Hətta bunun nəticəsində qollar da vurulur. Amma bunlar sadəcə səhvdir.
- Bu qələbədən sonra “Qəbələ” 25 xalla 3-cü pillədə qərarlaşır. Bir oyun az keçirən lider “Qarabağ”dan 3 xal geri qalırsınız. Ümüumiyyətlə, komandanın çempionluq şanslarını necə qiymətləndirirsən?
- Hələlik çempionluq haqda danışmaq tezdir. Qış fasiləsinə qədər qarşıda 2 oyunumuz var. Fasilədən sonra isə oyunlar çox olacaq. Baxaq görək, necə olur. Hər şeyə mövsümün sonunda aydınlıq gələcək.
Elnur SALAHOV
Hakimi "Real"a keçir?
Depay 1 ay oynamayacaq
Matçları qanunsuz izləyənlər cərimələnəcək
Uğursuz çıxış etdi, baş məşqçidən xəbərdarlıq aldı
"Qızıl top" namizədləri: Yamal, Keyn...
PSJ-nin oyunu təxirə salınır?
"Keçmişdəki uğursuzluqları düşünməyə ehtiyac yoxdur"
"Borussiya" idman direktorunu göndərdi
İngiltərədə Superkubok matçının yeri dəyişdirildi
Flik ayın məşqçisi seçildi
Ben Uayt İngiltərə millisində
Osimhen əməliyyat olundu
"Marsel" klubu prezidenti ilə yollarını ayırdı
Qvardiola qələbəni qızı ilə qeyd etdi - Video
Tudoru o əvəzləyə bilər
Siyasət Əsgərov Türkiyə klubunun düşərgəsində
"Sevilya" baş məşqçisi ilə sağollaşdı
Ronaldo belə bərpa olunur - Şəkillər
"Barselona"ya keçmək istəyir
2-ci liqada 19-cu tur 3 oyunla başladı
FİFA Türkiyə klubunun daha 6 xalını sildi
