22:52
Avqustun 11-də Topaz Premyer Liqasında 2017/18 mövsümünə start veriləcək.
Qol.az-ın məlumatına görə, Peşəkar Futbol Liqasının rəsmi saytı 26-cı ölkə çempionatının startı ərəfəsində yarışın 25 illik tarixinin ən çox oyun keçirən futbolçularının siyahısnı hazırlayıb.
1992-ci ildən keçirilən çempionatların tarixində ən çox meydana çıxan futbolçuların siyahısına Mahmud Qurbanov başçılıq edir.
11 qat Azərbaycan çempionu ölkə çempionatında 400-dən artıq oyun keçirən yeganə futbolçudur. Onun hesabında 421 qarşılaşma var. Hesabında 388 oyun olan Azər Məmmədov 2-ci yerdə qərarlaşıb. O, Premyer Liqada oynamış eyni ad-soyada malik digər iki Azər Məmmədovdan fərqli daha zəngin karyeraya malikdir.
İlk “üçlüy”ü Aslan Kərimov qapayır ki, onun hesabında 382 matç var. Ümumiyyətlə isə nəticəsi ləğv olunan və yarımçıq qalan oyunlar nəzərə alınmamaqla, 300-dən artıq matç keçirən 16 futbolçu var. Azər Məmmədov kimi Aqil Məmmədov və Kənan Kərimov da eyni ad-soyadda olan bir neçə oyunçudan biridir.
300-ü keçənlərdən yalnız üçü – Rahid Əmirquliyev, Elnur Abdullayev və Vüqar Nadirov karyerasını Premyer Liqa klubunda davam etdirir və göstəricisini yaxşılaşdırmaq imkanına malikdir.
Azərbaycan çempionatlarında 300 və daha çox oyun keçirənlər
1 Mahmud Qurbanov 421
2.Azər Məmmədov 388
3. Aslan Kərimov 382
4.Rəşad Abdullayev 378
5.Rəşad Sadiqov 366
6.Aqil Məmmədov 363
7.İsmayıl Məmmədov 351
8.Rahid Əmirquliyev 333
9.Kənan Kərimov 327
10 Nadir Nəbiyev 316
11.Elnur Abdullayev 315
12.Mübariz Orucov 311
13.Vüqar Nadirov 307
14.Müşfiq Hüseynov 305
15.Ədəhim Niftəliyev 303
16.Kamal Quliyev 302
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
