Millimizin oyununu stadiondan 15 min uşaq izləyəcək

Millimizin oyununu stadiondan 15 min uşaq izləyəcək
XƏBƏR 8 Oktyabr 2019 / 20:51 4286
-  A +

Azərbaycan millisinin AVRO-2020-nin seçmə mərhələsində Macarıstanla səfər oyununu stadionda 15 minə yaxın uşaq izləyəcək.

Qol.az xəbər verir ki, Macarıstan Futbol Federasiyası “Qroupama Arena”da keçirləcək oyunu 14 yaşına çatmamış uşaqlarla doldurmaq üçün UEFA-nın intizam kodeksindən yararlanmaq qərarına gəlib.

UEFA daha öncə Macarıstan millisinə bir oyunluq cəza verib, buna baxmayaraq, 14 yaşdan kiçik uşaqlar qarşılaşmanı tribunadan izləyə bilər. Federasiya 5 gün ərzində, təxminən, 15 minə yaxın müraciəti qeydiyyata alıb. Bu vəziyyətə görə stadionun qapıları daha erkən açılacaq.

Qeyd edək ki, Macarıstan yığması azarkeşlərin sentyabrın 9-da Slovakiya ilə ev matçı zamanı irqçi davranışlara yol verməsi səbəbindən sanksiya ilə üzləşib. Qərarə əsasən, sözügedən kollektiv növbəti ev oyununu azarkeşsiz keçirməli, milli federasiya isə 67,125 avro cərimə ödəməlidir.

Əlavə edək ki, Azərbaycan millisi oktyabrın 9-da Bəhreynlə səfərdə yoldaşlıq oyunu keçirəcək. Nikola Yurçeviçin rəhbərlik etdiyi kollektiv 4 gün sonra Macarıstan yığmasının qonağı olacaq.

Daha çox


Son xəbərlər
28.03.24  10:55

Qrizmann qayıtdı