Avrokubok təmsilçilərimizin məşqinə icazə verildi - Hökumətdən qərar

Avrokubok təmsilçilərimizin məşqinə icazə verildi - <b style="color:red">Hökumətdən qərar</b>
ÖLKƏ FUTBOLU 7 İyul 2020 / 14:23 2463
-  A +

Nazirlər Kabineti yanında Operativ Qərargah bu mövsüm Avropa kuboklarında yarışacaq Azərbaycanın 4 futbol komandasının hazırlıq keçməsinə bu gün rəsmi icazə verib.

Qol.az-ın xəbərinə görə, buna AFFA ilə Gənclər və İdman Nazirliyinin müvafiq qurumlarla apardığı müzakirələrdən sonra nail olunub. “Qarabağ”, “Neftçi”, “Keşlə” və “Sumqayıt” karantin qaydalarının tələblərinə əməl etməklə məşqlərini bərpa edə biləcəklər. Sözügedən komandalar sərt karantin rejimi tətbiq edilməyən hər hansı bölgədə toplanış keçə biləcək. Həmin klubların haranı seçməsi isə artıq öz ixtiyarındadır.

“Qarabağ” klubunun direktoru Emrah Çelikel Qol.az-ın sorğusuna cavab olaraq məlumatı təsdiqləyib. O bildirib ki, komanda hazırlığı sərt karantin rejiminin keçirilmədiyi Qəbələdə keçirməyi nəzərdə tutur.

Məşqlərin nə vaxt başlanacağına isə klubun bu gün keçirəcəyi videokonfransdan sonra aydınlıq gələcək.

Qeyd edək ki, məşqlərə icazə verilməsinə dair ilk xəbəri “Futbolpress” saytı yayıb.

 

Daha çox


Son xəbərlər
12.08.20  21:49

Kapitan getdi

12.08.20  19:06

"Atletik"də 6 yoluxma

12.08.20  16:02

Nəbiyev qol vurdu