01.04.25
"Zirə"nin futbolçusu Riçard Qadze Azərbaycan Premyer Liqasının 11-ci turunda səfərdə "Qarabağ"la 1:1 hesablı heç-heçə etdikləri matçdan sonra Qol.az-ın da müxbirinin iştirak etdiyi brifinqdə jurnalistlərin suallarını cavablandırıb.
- İlk növbədə öz komanda yoldaşlarımı bu nəticə münasibəti ilə təbrik edirəm. Həqiqətən də yaxşı xarakter göstərdik. Unutmayaq ki, çox çətin rəqibə qarşı oynayırdıq. Qazanılan bu xala görə bütün komandanı təbrik edirəm.
- Bu 1 xalı "Zirə" üçün 3 xal hesab etmək olar?
- Sırf mənim düşüncəmə əsasən, 3 xal kimi hesab etmək olar. Çünki ikinci hissədə geridönüş etdik. Komandamızın 1:0 hesabı ilə məğlub durumda olmasına baxmayaraq, ikinci hissədə bərabərlik qolunu vura bildik. Düşünürəm ki, ikinci qolu da vura bilərdik. Fürsətlərdən faydalana bilməsək də, görüşü heç-heçə ilə bitirməyimiz təqdirəlayiqdir.
- İkinci dəfə "Zirə"yə qayıdışınız çox yaxşı alınıb. Qollar vurursunuz, məhsuldar ötürmələr edirsiniz. Bəlkə, komandaya gəlməkdə gecikmisiniz?
- Həqiqətən də bu, mənim üçün yaxşı haldır. İlk növbədə "Zirə"yə öz minnətdarlığımı bildirirəm ki, məni yenidən komandaya dəvət etdilər. Gəldiyim anda heç də formada deyildim. Demək olar ki, 3 ay futboldan kənarda qalmışdım. Məşqçi bu gün mənə etimad göstərirsə, ona təşəkkür edirəm. Çalışıram ki, onun etimadını doğruldum.
- Beqoviç kimi tanınmış qapıçıya qol vurmaq necə bir hissdir?
- Bilirsiniz, bu, sadəcə mənim cəhdim idi. Mən hücumçuyam. Evdə olduğum günlərdə futbol izləyirəm. Beqoviçin addımını irəli atdığı anda bir az gözləsəydim, artıq qol vurmağa gecikmiş olacaqdım. Anında fürsətdən istifadə edib, dəyərləndirdim.
- "Qarabağ" nə qədər güclü rəqib olsa da, onu məğlub edən komandalar olub. "Zirə" isə bu 4 ildə "Qarabağ"ı uda bilməyib. Sensasiyaya imza atmaq üçün nə çatmır?
- Bütün müsahibələrimdə bunu təsdiqləmişəm ki, "Qarabağ" həqiqətən də əla komandadır. Onlara qarşı oynamaq çətindir. Artıq 3 mövsümdür ki, eyni şeylərlə qarşılaşıram. Amma "Qarabağ" yaxşı olmaqda davam edir. Düşünürəm ki, bu gün onlardan 1 xal almaq belə bizim adımıza təqdirəlayiqdir.
- Bizim çempionatda bombardirin cəmi 5 qolu var. Sizin aktivinizdə isə 2 qol var. Çempionatın və ya "Zirə" tarixinin bombardiri olmaq kimi fikirlər şəxsi planınızda varmı?
- Mənim üçün şəxsi tutulların bir o qədər də önəmi yoxdur. Buraya "Zirə"yə kömək etmək üçün gəlmişəm. Komandamın hədəfləri daha öndə gəlir, nəinki öz şəxsi titullarım. Qol vururamsa, komandama kömək edirəm. Qol vurmayanda da çalışıram.
“Mançester Yunayted” Əmir İbrahimovla müqavilə imzaladı
Mourinyonu hansı cəza gözləyir?
La Liqa "Barselona"dan əl çəkmir
Şamaxıda 8 qol vuruldu - Video
Qadınlararası dünya çempionatına bu ölkələr namizəddir
"Real" üçün pis xəbər
“Qarabağ”ın icarəsində olan meydançada yenilənmə
"Karvan" 5 qolla qalib gəldi, Mingəçevirdə heç-heçə
"Barselona" futbolçularının qeydiyyatı ilə bağlı yekun qərar
"Qalatasaray"ın oyunçularına veriləcək mükafat bəlli oldu
"Nyukasl"da yeni müqavilə
UEFA-dan ən böyük pul mükafatını "Real" alıb
Azərbaycan millilərinin Avropa çempionatı üçün heyətləri
"Marsel" də Poqbadan imtina etdi
Azərbaycan klubu növbəti ev oyununu azarkeşsiz keçirəcək
Flik: "El-Klassiko" indi heç bir əhəmiyyət kəsb etmir"
Abdulbari Gözəl və Çingiz İsmayılovun xatirələri UEFA-nın Konqresində yad olundu - Video
"Biz penalti və VAR müdaxiləsini gözləyirdik" - AFFA rəsmisi
AFFA 2 komandanı çempionatdan kənarlaşdırdı
Beyni silkələnən Alissondan yeni xəbər
Azərbaycanda klub prezidenti cəza aldı
“Sabah”ın məşqçisinə sərt cəza, “Neftçi” cərimələndi
Dani Alveşin bəraətinə etiraz edəcəklər
"Qarabağ"ın oyunçusu nikbin danışdı
Azərbaycan kuboku tarixində 2-ci dəfə
