23.05.19
"Sabah"ın baş məşqçisi Elşad Əhmədov Qol.az-a müsahibə verib. Komandanın növbəti mövsüm üçün hədəflərindən danışan mütəxəssis transfer məsələlərinə də toxunub.
- Mövsüm başa çatdıqdan sonra rəhbərliklə görüşəcəyinizi, komandanın çıxışını, növbəti mövsüm üçün planları və öz gələcəyinizi müzakirə edəcəyinizi demişdiniz. Görüş oldumu və sizinlə bağlı hansı qərar qəbul olundu?
- Dünən söhbət oldu, komandada qalıram. Mövsümün əvvəlində 3 illik müqaviləyə qol çəkmişəm. Əslində buna qədər də rəhbərliklə danışmışdıq. Sadəcə, etika xatirinə belə deyirdim. Çünki müqavilə olsa da, sabah başqa bir hadisə də baş verə bilər.
- Rəhbərlik komandanın geridə qalan mövsümdəki çıxışını necə dəyərləndirir?
- Hələ mövsümün sonuna 3 tur qalmış - Premyer Liqada qalmağımız dəqiqləşəndən sonra Müşahidə Şurası işimizə qiymət vermişdi. Artıq məqsəd yerinə yetirilmişdi. Bundan sonra turnir cədvəlində yuxarı yerləri tutmaq bizim özümüzə qalırdı. Amma son oyunları zəif oynadıq. Ümumi götürəndə isə çıxışımız qənaətbəxşdir.
- Yeni mövsüm üçün əsas hədəf nə olacaq?
- Bu barədə geniş söhbət olmadı. Əsasən kimlərin gedəcəyi, yeni transferlər və komandanın qurulmasından danışıldı. Hamı iddialılar arasında olmaq istəyir. Ancaq qarşıya belə bir məqsəd qoyulub-qoyulmayacağı barədə söhbət olmayıb. Əgər belə bir şey olsa, komanda olaraq, yuxarı yerlər haqda düşünməyə məcburuq.
- Hazırkı komanda yeni mövsümdə yüksək yerlər uğrunda mübarizə aparmağa qadirdir, yoxsa güclənmək lazımdır?
- Yəqin, bizim çempionata necə başladığımızı xatırlayırsınız. Düzdür, mövsümün gedişində bəzi futbolçular gətirdik. Hər birinə hörmətlə yanaşırıq, amma komanda yeni yığılanda məcburiyyətdən diviziondan 8 futbolçu götürmüşdük. Digərləri isə əsasən kənarda qalan, çox oynamayan futbolçular idi. Həmin vaxt bizə gəlmək istəməyən oyunçular var idi. Kimlərlə danışırdıqsa, komandanın gələcəyinin necə olacağını soruşurdular. "Sabah"a gəlmək istəmirdilər. İndi isə çox futbolçu bizim komandada oynamaq istəyir. Bir il ərzində klub olaraq, nə isə etdik. Düzdür, nəticədə 7-ci yeri tutduq. Amma mövsümün əvvəlində yaxşı nəticələr qazandıq. Əgər qarşımıza yüksək hədəflər qoyuruqsa, mütləq güclənmək lazımdır.
- Komandanın yay hazırlıq planı müəyyənləşib?
- Dünən planı yazıb, rəhbərliyə təqdim etmişəm. İyunun 17-də Bakıda yığışmaq, gündə bir məşq etmək nəzərdə tutulub. Havalar isti olacağı təqdirdə bir az gecikə bilər. Təxminən 1 aylıq paytaxt toplanışından sonra iyulun 16-da Boluya gedəcəyik və 2 həftə orada hazırlıq keçəcəyik. Türkiyə toplanışının vaxtı dəqiqdir.
- Bəs heyətdə gözlənilən dəyişikliklər haqda nə deyə bilərsiniz? "Sabah"ı neçə futbolçu tərk edəcək?
- Hardasa yeddi futbolçu ilə yollarımızı ayıracağıq. Biri legioner, altısı isə yerli oyunçudur.
- Göndəriləcək futbolçuların adlarını bilmək olar?
- Yox, mən ad çəkməyəcəyəm. Yaxın günlərdə klub özü açıqlayacaq.
Elnur SALAHOV
_22.01.19.jpg)
Hakim qol vurdu - Video
Emeri Bakıya 24 futbolçu gətirdi - Siyahı
"Arsenal" Bakıda - Şəkillər
"Qalatasaray"da ilk ayrılıq - Rəsmi
Ceko "İnter"lə anlaşdı - İddia
Vengerə sürpriz təklif
Alleqri "Milan"a qayıdır?
"Çelsi"ni çalışdırmaq istəyir
Daha beş il "Yuventus"da
Yığmamızın üzvü klubunu dəyişdi - İngiltərədə
"Qəbələ"dən sabiq futbolçusuna rəsmi təklif
Ronaldo oynamayacaq
"Beşiktaş"ın prezidenti Yurçeviçə niyə zəng vurub?
"Qalatasaray"dan Arda Turan açıqlaması - Terim istəsə...
PSJ Tuhellə bağlı qərarını verdi - rəsmi
“Qəbələ”nin gələcəyi ilə bağlı qərar verildi - 1 iyundan...
Hazard "Çelsi"nin qarşısına şərt qoydu
"Mançester Siti" Sane ilə danışıqlar aparır
"Barselona", yoxsa "Valensiya"?
Ouen və Toldo Bakıda səhər yeməyində - Video
"Mxitaryana görə F-16 qırıcıları göndərək?" - Azad Rəhimov
“Qarabağ”ın bütün potensial rəqibləri – Çempionlar Liqası
Ardıcıl 8-ci dəfə çempion oldular
Lukaku üçün 35 miyon avro və Perişiç
Messi "Qızıl buts"un sahibi oldu - 6-cı dəfə
Fransada ən yaxşı bombardir - Mbappe
UEFA prezidentindən Bakıdakı finala dəstək
Mövsümü qələbə ilə başa vurdular - Video
"Qalatasaray"ın oyununda 7 qol - Video
Şenol Günəş "Beşiktaş"dan ayrıldı
"Mançester Yunayted" də Qrizmannı istəyir
Belözoğlu "Fənərbaxça"ya keçir - açıqlama
"Başakşəhər" son oyunda heç-heçə etdi
"Qəbələ" kubokun təqdimatını edəcək
"Bu məğlubiyyət mənim üçün ağır zərbə idi" - Messi
Ouen və Toldo Bakıdakı Azarkeş Festivalında
Millimizin üzvü daha bir il "Levante"də
"Sabah"da yeni məşqçi təyinatları - Bəxtiyar Soltanov da var
Ramos "Real"dan ayrıla bilər
39 yaşlı Əmrə yenidən millidə - siyahı
"Finala 30 min əcnəbi gələcək" - Azad Rəhimov
