"Bu gün komandamız istədiyimiz kimi çıxış etdi. Futbolçularıma minnətdaram".
Qol.az-ın sportnet.az-a istinadən yaydığı xəbərə görə, bunu "Qəbələ"nin baş məşqçisi Roman Qriqorçuk Macarıstan MTK-sına 2:0 hesabı ilə qalib gələrək Avropa Liqasında mərhələ adladıqları II təsnifat mərhələsinin cavab görüşündən sonra deyib.
Ukraynalı mütəxəssis komandasının növbəti rəqibi Fransa "Lill"inin oyununa hələ baxmadığını bildirib:
"Bu gündən etibarən rəqibi araşdırmağa başlayacam. "Lill" böyük bir komandadır. Biz çox şadıq ki, onlarla oynayacayıq. Onları mübarizədən kənarlaşdırmaq isə böyük bir uğur olacaq".
Rəqib həmkarı Vasilis Teodoru ilə razı olduğunu bildirən Qriqorçuk MTK-nın güclü olduğunu etiraf edib:
"Rəqib güclü idi. Çox şadam ki, belə bir komandanı mübarizədən uzaqlaşdırdıq. Biz onlardan daha yaxşı hazırlaşmışdıq və müəyyən oyun komponentlərində üstün idik. Mən çalışıram ki, əsas heyəti yuxarılara qaldırım və ehtiyat oyunçuları da onların səviyyəsinə gətirim. Çempionatda da ən yaxşı oyunçular əsas heyətdə olacaq".
Baş məşqçi Aleksey Antonovun göndərilməsi haqda qərarı isə belə şərh edib: "Bu mərhələdə həm mən, həm Antonov,həm də klub rəhbərliyi ən doğru qərarı verdik. Antonova bundan sonrakı karyerasında uğurlar arzu edirəm".
"Qarabağ"ın "Turan Tovuz"u məğlub etdiyi oyun - Video
"Qarabağ" 7 qollu oyunda "Turan Tovuz"a qalib gəldi
UEFA-dan Şahruddinin oynadığı kluba avrokubok cəzası - Rəsmi
"Yuventus" Alleqrini istefaya göndərdi
"Qarabağ" - "Turan Tovuz": Heyətlər
Tuhel qərarını dəyişmədi
"Marsel"in baş məşqçisi karyerasını başa vurur
Azərbaycan cüdoçuları Avropa Kubokunda iştirak edəcəklər
1-ci liqada son turun oyunları eyni gündə, eyni saatda
"Yuventus"dan Mottaya 3 illik müqavilə təklifi
İki futbolçu "Liverpul"dan ayrılır - Rəsmi
FİFA VAR-la bağlı yeni qaydalar tətbiq edir
“Qarabağ” - "Turan Tovuz" oyununda qadın hakimlər