20:30
“Qarabağ” klubunun mətbuat xidməti Topaz Premyer Liqanın 29-cu turunda səfərdə AZAL-a 2:0 hesabı ilə qalib gəldikləri oyunla bağlı statistikanı açıqlayıb.
Qol.Az-ın klubun saytına istinadən yaydığı xəbərə görə, Premyer Liqanın vahid lideri olan Ağdam təmsilçisi bu qələbəylə çempionatda ardıcıl altıncı qələbəsini qazanıb.
***
Bu, eyni zamanda Premyer Liqada cari mövsüm ən uzun qələbə seriyasıdır.
***
Buna qədər beş ardıcıl böyükhesablı qələbə qazanan “Qarabağ” bununla da “Neftçi”nin 18 illik nəticəsini təkrarlayıb. “Qarabağ” AZAL-a qol buraxmadan daha bir dəfə məyus edə bilsəydi, ardıcıl altı böyükhesablı qələbə ilə çempionatlar tarixində vahid lider olacaqdı.
***
“Qarabağ” son 10 oyunda 9-cu qələbəsini qazanıb.
***
Qapısını toxunulmaz saxlamaqla komanda bununla da göstəricisini beş oyuna çatdırıb. Başqa sözlə, “Qarabağ” 457 dəqiqədir qapısında qol görmür. Sonuncu dəfə qolkiper İbrahim Sehiçin qoruduğu qapıdan 24-cü turda “Neftçi”nin yarımmüdafiəçisi Mirhüseyn Seyidov 83-cü dəqiqədə top keçirə bilib.
***
Bu, cari mövsüm ikinci ən uzun göstəricidir. Mövsümün seriyası isə 512 dəqiqə ilə “Qarabağ”ın digər qapıçısı Fərhad Vəliyevə məxsusdur.
***
“Qarabağ” eyni zamanda AZAL-la oyunda üç oyundan sonra qapısını toxunulmaz saxlaya bildi
***
“Qarabağ” “AZAL Arena”da üç il sonra qələbə qazana bilib. Sonuncu dəfə Ağdam komandası bu meydanda 2011-ci ilin sentyabrın 19-da 3 xalı aktivinə yaza bilmişdi.
***
“Qarabağ”da Reynaldo vurduğu qolla Premyer Liqada cari mövsüm 18-ci dəfə fərqlənməklə bombardirlər siyahısında yerini möhkəmləndirib.
Maraqlıdı ki, Reynaldo bununla 2010-2011 mövsümündə çempionatın bombardiri olan Georgi Adamiyanın göstəricisinə çatıb.
***
Ümumiyyətlə, bir mövsüm `Qarabağ`ın formasında ən çox qol vuran futbolçu olmaq üçün Reynaldoya cəmi üç qol lazımdı. Hazırda “Qarabağ” tarixinin ən çox qol vuran oyunçusu Samir Musayevdir. O, 2003-2004 mövsümündə 20 dəfə fərqlənməyi bacarıb.
***
Braziliyalı Reynaldo start heyətində matça çıxdığı son beş oyunda meydanı qol vurmadan tərk etmir.
***
Reynaldo 22-ci dəqiqədə fərqlənməklə cari futbol ilində 25-ci qolunu vurub. Premyer Liqada 18 dəfə fərqlənən Reynaldo 5 dəfə Avroliqada, 2 dəfə də ölkə kubokunda adını tabloya yazdırıb.
“Yuventus”a keçə bilər
“Ronaldo 20 yaşlı Neveşə bənzəmir”
Finlandiya 7 qolla qələbə qazandı
Pokatilovun oynadığı matçda qalib müəyyənləşmədi
Mbappenin durumu bəlli oldu
Millimizin Litva ilə oyunöncəsi son məşqindən - Şəkillər
Məşqçilərlə mübahisə etdi, yığmadan göndərildi
"Real"dan "Liverpul"a keçə bilər
Sloveniya və Şotlandiya xalları bölüşdü
“O, hələ də çox təhlükəlidir” - "Sabah"ın futbolçusu
İsraillə oyundan imtina edə bilərlər
“Sabah tam hazır şəkildə meydana çıxacağıq” - Mahir Emreli
“Güclü komandaya qarşı oynayacağıq, amma...” - Ayxan Abbasov
"Klub ən azı Premyer Liqadan kənarlaşdırılmalıdır"
Azərbaycan Qran-prisinin qalibi bəlli oldu
Arda Gülər: “Çox məyusuq”
İlham Əliyev və Mehriban Əliyeva Formula 1-i izləyirlər
Zidan Türkiyə üzərində qələbədən danışdı
Gürcüstan millisinin baş məşqçisi istefa verdi
Bugünkü oyunları yayımlayacaq kanallar
“Liverpul”un yeni idman direktoru məlum oldu
Mbappe Türkiyə ilə oyuna görə narazıdır
Azərbaycan millisindən tarixi nailiyyət
“Fənərbaxça”dan transfer qadağası ilə bağlı açıqlama
Norveç Futbol Federasiyası Haalandı jurnalistlərdən “qorudu”
