"Qəbələ"nin Lənkərana 12-ci səfəri

Topaz Premyer Liqasının mükafatçıları sırasına düşmək uğrunda mübarizə aparan “Qəbələ” XXIX turda “Xəzər Lənkəran”la görüşəcək.
 
Qol.Az-ın klubun rəsmi saytına istinadən verdiyi məlumata görə, Yuri Syominin komandası ölkə kubokunun yarımfinalındakı rəqibi ilə səfərdə qarşılaşacaq.

Son iki mövsümdə baş tutan 5 qarşılaşmada cəmi 1 dəfə rəqibinə uduzan “qırmızı-qaralar” səfərdə uğur qazanmaq iddiasındadır.

Bu matç rəqiblər arasında ümumilikdə 24-cü oyun olacaq. Premyer Liqada 21, kubokda 2 dəfə üz-üzə gələn komandaların oyunlarında “Qəbələ” 5 qələbə qazanıb. Lənkəran təmsilçisinin hesabında isə 12 qələbə var. Digər 6 qarşılaşmada qalib müəyyənləşməyib. 55 qolun vurulduğu matçlarda cənublular daha məhsuldar olub – 34:21.

“Qəbələ”nin hücumçularından biri Yannik Kamanan “Xəzər Lənkəran”la oyunlarda komanda yoldaşlarından daha çox – 3 dəfə fərqlənib. Son görüşdə dubl müəllifi olan Daniel Subotiç, həmçinin Lyubo Baranin və Turnike Aptsiauri isə hərəyə 2 dəfə cənubluların qapısına qol vurub.

Son 3 Lənkəran səfərində uduzmayan “Qəbələ” uğurlu seriyanı davam etdirməyə çalışacaq. Ümumilikdə isə 11 dəfə duellərə “Xəzər Lənkəran” ev sahibliyi edib. Bu oyunlarda meydan sahibləri 6, qonaqlar 1 qələbə əldə edib. 4 görüşdə isə tərəflər “sülh”lə ayrılıblar. Cənublular evdə 18 qol vurub və 8-ni buraxıb.

Çempionatdakı 21 görüşdə isə “Xəzər Lənkəran” 11, “Qəbələ” 5 dəfə 3 xal qazanıb. 5 dəfə bərabərliklə ayrılan rəqiblərin duellərində 49 qol vurulub. Lənkəranda vurulacaq ilk top bu matçlarda yubiley – 50-ci top olacaq. “Qırmızı-qaralar” 19, “ağ-yaşıllar” isə 30 dəfə fərqlənib.

2006/07. Premyer Liqa
09.12.2006. Xəzər Lənkəran - Gilan (Qəbələ) - 4:0
Rəşad Abdullayev, 17, 67, Zaur Ramazanov, 59, İlqar Qurbanov, 78

2006/07. Premyer Liqa
23.05.2007. Gilan (Qəbələ) - Xəzər Lənkəran - 0:3
Emin Quliyev, 5, Rəşad Abdullayev, 22, Zaur Ramazanov, 41

2007/08. Premyer Liqa
30.09.2007. Xəzər Lənkəran - Qəbələ - 2:1
Zaur Ramazanov, 24, Emin Quliyev, 90+2 - Turnike Aptsiaupi, 39

2007/08. Premyer Liqa
05.04.2008. Qəbələ - Xəzər Lənkəran - 1:1
Camal Məmmədov, 73 - Zaur Ramazanov, 8.

2007/08. Azərbaycan kuboku, ½ final
09.04.2008. Qəbələ - Xəzər Lənkəran - 1:3
İbrahim Hüseynov, 75 - Zaur Ramazanov, 12, 56, İrakli Vaşakidze, 15-öz qapısına

2007/08. Azərbaycan kuboku, ½ final
23.04.2008. Xəzər Lənkəran - Qəbələ - 1:1
Rahid Əmirquliyev, 79 - Abdulkader Kamara, 35

2008/09. Premyer Liqa
15.11.2008. Qəbələ - Xəzər Lənkəran - 0:1
Rəşad Abdullayev, 48

2008/09. Premyer Liqa
03.05.2009. Xəzər Lənkəran - Qəbələ - 1:2
İvan Çvetkov, 25 - Tornike Aptsiauri, 76 Anatoli Ostap, 79 (pen.)

2009/10. Premyer Liqa
19.09.2009. Qəbələ - Xəzər Lənkəran - 1:1
İqor Melnik, 88 - Mario Souza, 26

2009/10. Premyer Liqa
19.12.2009. Xəzər Lənkəran - Qəbələ - 1:0
Rahid Əmirquliyev, 52

2009/10. Premyer Liqa
12.03.2010. Xəzər Lənkəran - Qəbələ - 4:1
Allan Lalin, 22; 59; Emeka Opara, 75; Denis Kalinkov, 90 - Milan Antiç, 81

2009/10. Premyer Liqa
17.04.2010. Qəbələ - Xəzər Lənkəran - 1:2
Tomaş Stolpa, 37 - Allan Lalin, 9; Emeka Opara, 53

2010/11. Premyer Liqa
07.08.2010. Xəzər Lənkəran - Qəbələ - 1:0
Elvin Beqiri, 75

2010/11. Premyer Liqa
06.11.2010. Qəbələ - Xəzər Lənkəran - 1:0
Lyubo Baranin, 35

2011/12. Premyer Liqa
23.09.2011. Xəzər Lənkəran - Qəbələ - 2:1
Antonio Semedo, 40; Elnur Abdullayev, 64 - Lyubo Baranin, 68

2011/12. Premyer Liqa
21.02.2012. Qəbələ - Xəzər Lənkəran - 2:1
Aleksandr Çertoqanov, 41; Deon Barton, 90+2 - Rahid Əmirquliyev, 26

2011/12. Premyer Liqa
07.04.2012. Qəbələ - Xəzər Lənkəran - 0:1
Branimir Subaşiç, 3

2011/12. Premyer Liqa
05.05.2012. Xəzər Lənkəran - Qəbələ - 1:1
Adrian Pit, 59 - Viktor Mendi, 87

2012/13. Premyer Liqa
21.10.2012. Xəzər Lənkəran - Qəbələ - 1:1
Roberto Alviz, 76 (pen.) - Yannik Kamanan, 22

2012/13. Premyer Liqa
23.02.2013. Qəbələ - Xəzər Lənkəran - 2:0
Yannik Kamanan, 1; 88

2013/14. Premyer Liqa
31.08.2013. Qəbələ - Xəzər Lənkəran - 2:0
Leonardo da Silva, 40; Lorenso Ebesilio, 67

2013/14. Premyer Liqa
10.11.2013. Xəzər Lənkəran – Qəbələ - 0:0

2013/14. Premyer Liqa
15.02.2014. Qəbələ - Xəzər Lənkəran - 2:3
Daniel Subotiç, 25, 65 - Sadio Tounkara, 52; Etame Mbilla, 56, 84