21:17
«Bakı» Bolqarıstanın MOİK klubunun yarımmüdafiəçisi Coze Rui ilə gələn həftə müqavilə bağlaya bilər. Qol.Az-a açıqlamasında paytaxt klubunun vitse-prezidenti Zeynal Məmmədov belə deyib: «Portuqaliyalı yarımmüdafiəçi sol cinah yarımmüdafiəçisi mövqeyində oynayan sürətli futbolçudur. Menecerlər bu oyunçunu bizə təklif ediblər. Həmin mövqe komandamızda axsadığından, Coze Ruini transfer etməkdə maraqlı olduq». Məmmədov MOİK-in yarımmüdafiəçisinin transfer qiymətini də açıqladı. Bolqarıstan mətbuatı portuqaliyalı futbolçunu almaq istəyən klubun 240-250 min avrodan keçməli olduğunu yazmışdı. Amma «Bakı»nın vitse-prezidenti Runin transfer qiymətinin 150 min avro olduğunu vurğuladı: «Biz onu icarəyə götürmək istəyirik. 6 ay komandamızda çıxış etdikdən sonra transfer hüququna yiyələnə bilərik. Bildiyimə görə, indi MOİK-in maddi vəziyyəti yaxşı deyil. Klubun oyunçuya müəyyən qədər borcu qalıb. Sofiya komandasının rəhbərliyi Ruinin keçidinə razılıq verib. Artıq yarımmüdafiəçinin meneceri ilə də danışmışıq. Onlar gələn həftə Azərbaycana gəlib buradakı şəraitlə maraqlanacaqlar. Bu məsələ gələn həftə dəqiqləşəcək». «Bakı»nın vitse-prezidenti komandanın yarımmüdafiəçisi Romal Hüseynovun Türkiyənin «Giresunspor» klubuna keçidinə də aydınlıq gətirdi: «Romalı 6 aylıq icarəyə veririk. Onunla bir başa müqavilə bağlayacaqlar. Hüseynovun transferində klubumuzun vitse-prezidenti Tunc Afşarın xidməti oldu. Biz də şərait yaradırıq ki, Romal gedib orada özünü göstərsin». Hazırda «Giresunspor»un düşərgəsində olan «Bakılı»nın hücumçusu Vasif Əliyevin də Türkiyəyə göndərilməsində «Bakı» rəhbərliyinin böyük rolu olub.
"Napoli"yə "hə" dedi
Ronaldo sabiq komandası haqda: "Problem məşqçidə deyil"
"Yuventus" kapitanını satışa çıxardı
2024-cü ilin ən yaxşı baş məşqçisi seçildi
Vinisius ilin ən yaxşı futbolçusu oldu
"Real" və Peres "Globe Soccer" mükafatını qazandılar
Ronaldo Yaxın Şərqin ən yaxşısı seçildi
Mourinyo onu "Fənərbaxça"da görmək istəyir
Amorim: "Çox çətin vəziyyət olacaq"
"Barselona" üçün son fürsət
Renat Dadaşovun komandasında yeni baş məşqçi
De Yonq haqda yayılan xəbəri cəfəngiyyat adlandırdı
La Liqada ayın ən yaxşı futbolçusu seçildi
İlin rəmzi komandası açıqlandı
2024-cü ilin ən yaxşısı
Azərbaycan kubokunda 2024/25 mövsümünün püşkü atıldı
