Aleksandr Səmədov: "Azərbaycanla oyunöncəsi əlavə motivasiya yoxdur"

Aleksandr Səmədov: "Azərbaycanla oyunöncəsi əlavə motivasiya yoxdur"
ÖLKƏ FUTBOLU 13 Oktyabr 2013 / 01:09 3108
-  A +

Rusiya millisinin yarımmüdafiəçisi Aleksandr Səmədov "DÇ-2014"ün seçmə mərhələsi çərçivəsində oktyabrın 15-də Bakıda qarşılaşacaqları yığmamızla oyunöncəsi ölkəsinin mətbuatına müsahibə verib.

 

- Yenidən Lüksemburqa qol vurdunuz. Bu komanda sizin müştərinizdi?

- Mən cəmi iki dəfə Lüksemburqa qol vurmuşam. Bu haqda heç düşünməmişəm. Çünki elə də vacib məsələ deyil. Əsas odur ki, millinin heyətində qol vurdum.

- Baş məşqçiniz Fabio Kapello Lüksemburqla oyundan sonra sizə nə dedi?

- Xüsusi nəsə demədi. Gözəl qələbə qazandıq və o da bizi təbrik etdi. Daha sonra yığışdıq və evə yollandıq.

- Dünya çempionatının final mərhələsinə yüksəlmək üçün Azərbaycanla oyunda komandana bir xal lazımdır. Seçmə mərhələdəki uzun marafon sizə psixoloji təsir göstərmir?

- Yox. Çünki hər kəs bilir ki, artıq Azərbaycanla oyun bizim üçün son matçdır. Ona görə də bu vacib oyuna necə lazımdırsa, köklənəcəyik.

- Azərbaycanla oyunöncəsi emosiyaların necədir? Bu oyun sənin üçün hansısa prinspial xarakter daşıyır, yoxsa sadəcə nəticəyə köklənmisən?

- Azərbaycanla oyuna da, digər komandalar qarşı olduğunu kimi yanaşıram. Bu, bizim seçmə mərhələdə son oyunumuz olacaq. Bakıdakı oyunöncəsi heç bir əlavə motivasiya yoxdur.

Daha çox


Son xəbərlər
topaz banner